وفاقی کابینہ نے آرمی چیف کی مدت ملازمت میں توسیع کی منظوری دے دی
وفاقی کابینہ نے وزیراعظم عمران خان کے زیر صدارت ہونے والے اجلاس میں آرمی چیف جنرل قمر جاوید باجوہ کی مدت ملازمت میں توسیع کی منظوری دے دی۔
تفصیلات کے مطابق وفاقی کابینہ نے آرمی چیف کی مدت ملازمت میں توسیع سے متعلق نئی سمری منظور کرلی ہے، وفاقی وزراء کی جانب سے کی جانے والی پریس کانفرنس میں کہا گیا ہے کہ ملکی صورتحال کے پیش نظر آرمی چیف چیف کی مدت ملازمت میں توسیع کی جارہی ہے ۔
پریس بریفنگ وفاقی وزراء شہزاد اکبر، شفقت محمود اور شیخ رشید نے کی ، جس میں بتایا گیا کہ کابینہ کے تمام ارکان نے متفقہ فیصلہ دیا ہے جبکہ توسیع سے متعلق ایکٹ میں ترمیم کردی گئی ہے ، سمری منظوری کے لیے صدر مملکت کو بھیجی جائے گی۔
واضح رہے اس سے قبل وزیراعظم عمران خان کی زیر صدارت وفاقی کابینہ کا اجلاس ہوا ، جس میں وزیراعظم عمران خان نے پاک فوج کے سربراہ کی مدت ملازمت سے متعلق سپریم کورٹ کا فیصلہ آنے کے بعد جنرل قمر جاوید باجوہ کی مدت ملازمت میں توسیع کی سمری طلب کی تھی ۔
وفاقی کابینہ کے اجلاس میں ارکان نے کہا کہ مدتِ ملازمت میں توسیع کا اختیار چیف ایگزیکٹو کو ہےجبکہ موجودہ سیکیورٹی صورتحال، کشمیر کے معاملے کو دیکھ کر کی جارہی ہے۔
سپریم کورٹ نےآرمی چیف کی مدت ملازمت میں توسیع کانوٹیفکیشن معطل کردیا
واضح رہے اس سے قبل سپریم کورٹ کی جانب سے آرمی چیف جنرل قمر جاوید باجوہ کی مدت ملازمت میں توسیع کا نوٹیفکیشن معطل کردیا گیاتھا۔
سپریم کورٹ میں آرمی چیف کی مدت ملازمت میں توسیع کے خلاف درخواست کی سماعت ہوئی، سپریم کورٹ نے آرمی چیف ، وزارت دفاع اور اٹارنی جنرل کو نوٹس جاری کردیے تھے۔
درخواست گزار نے آرمی چیف کی مدت میں توسیع کے خلاف درخواست واپس لینے کی استدعا کی تھی،جس میں عدالت نے کیس واپس لینے کی استدعا مسترد کرتے ہوئے کہا تھا کہ کیس واپس لینے کیلئے ہاتھ سے لکھی درخواست کیساتھ کوئی بیان حلفی نہیں، معلوم نہیں مقدمہ آزادانہ طورپرواپس لیا جا رہا ہے یا نہیں۔
چیف جسٹس نےکہا تھا کہ وزیراعظم کو آرمی چیف تعینات کرنے کا اختیارنہیں ، آرمی چیف تعینات کرنے کا اختیارصدر کا ہے، یہ کیا ہوا پہلے وزیراعظم نے توسیع کا لیٹر جاری کردیا پھر وزیراعظم کو بتایا گیا توسیع آپ نہیں کر سکتے، آرمی چیف کی توسیع کا نوٹیفکیشن 19 اگست کا ہے، 19 اگست کو نوٹیفکیشن ہوا تو وزیر اعظم نے کیا 21 اگست کو منظوری دی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News