ملک بھر میں سردی کی آمد آمد ہے اور اس موسم میں ذرا سی بے احتیاطی نزلہ، کھانسی، سر درد اور موسمی بخار میں مبتلا کر سکتی ہے۔ سردیوں میں سینے اور سانس کی نالی کی خرابی اور کھانسی ہونا ایک عام سی بات ہے۔

بہت سے لوگ کھانسی س بچاو کے لئے مختلف گھریلو آزمودہ نسخوں کا سہارا لیتے ہیں، جو سود مند بھی ثابت ہوتے ہیں، لیکن بعض اوقات سینے کے انفیشکن اور نظامِ تنفس کی کسی خرابی کی وجہ سے کھانسی میں شدت آسکتی ہے۔ ایسی صورت میں ڈاکٹر سے رجوع کرنا چاہیے۔

سردیوں میں خاص طور پر سینے اور سانس کی نالی کے مریضوں کو بہت زیادہ احتیاط کی ضرورت ہوتی ہے جب کہ عام کھانسی سے گھریلو نسخوں اورمعمولی احتیاطی تدابیر اختیار کرکے نجات حاصل کی جا سکتی ہے۔ زیادہ عرصہ کھانسی برقرار رہے تو کسی مستند ڈاکٹر سے ضرور رجوع کرنا چاہیے۔

ماہرینِ کے مطابق کھانسی کو ایک ہفتے سے زائد ہو جاے تو ڈاکٹر سے رجوع کرنا چاہیے۔ کیوں کہ شدید کھانسی اور پھیپھڑوں کی مخصوص نالیوں میں خرابی سے برونکائیٹس کا عارضہ جنم لے سکتا ہے. اس کی تشخیص اور باقاعدہ علاج ضروری ہوتا ہے ورنہ پھیپھڑوں کی نالیوں میں بلغم جمع ہونے لگتا ہے اور متأثرہ فرد کو سانس لینے میں دشواری محسوس ہوتی ہے۔

سرد موسم مییں جہاں بڑوں کو نزلہ زکام اور کھانسی کی شکایت ہوتی ہے، وہیں بچوں کا خاص طور پر خیال رکھنا چاہیے۔ ان کو گرم کپڑے پہنانے کے ساتھ کھانے پینے میں احتیاط ضروربرتنی چاہیے۔ اس موسم میں آئسکریم، ٹھنڈے مشروبات کا استعمال نقصان دہ ثابت ہو سکتا ہے۔