وزیراعظم عمران خان اور صدر مملکت عارف علوی کی سعودی عرب کی شوریٰ کونسل کے چیئرمین سے ملاقات کا اعلامیہ جاری کردیا گیا ہے۔

ملاقات میں باہمی دلچسپی کے دوطرفہ امور پر تبادلہ خیال کیا گیا جبکہ مسئلہ کشمیر پر پاکستان کی حمایت کرنے کی یقین دہانی بھی کرائی گئی۔

صدر مملکت ڈاکٹر عارف علوی سے سعودی عرب کی شوریٰ کونسل کے چیئرمین ڈاکٹر عبداللہ بن محمد بن ابراہیم الشیخ نے وفد کے ہمراہ ملاقات کی۔

اس موقع پر صدر مملکت نے کہا کہ مقبوضہ جموں و کشمیر میں فاشسٹ بی جے پی حکومت کے ہاتھوں 126 دن طویل کرفیو اور میڈیا بلیک آؤٹ کشمیری عوام کے بنیادی حقوق کی صریحاً خلاف ورزی ہے۔

ذرائع کے مطابق عبداللہ بن محمد الشیخ سےملاقات کےموقع  پر اسپیکر قومی اسمبلی اسد قیصر بھی موجود تھے جبکہ دونوں رہنماوں کے درمیان باہمی دلچسپی کے امور پر تبادلہ خیال کیا گیا۔

ملاقات میں وزیراعظم عمران خان نے کشمیر کے حوالہ سے بین الپارلیمانی کانفرنس کے انعقاد کے فیصلے کو سراہا گیا، دونوں ممالک کے درمیان بردارنہ تعلقات اور تعاون بڑھانے پر اتفاق بھی ہوا ہے۔

اعلامیہ کے مطابق وزیر اعظم عمران خان نے وفد کو مقبوضہ کشمیر کی صورتحال سے آگاہ کیا اور بتایا کہ مقبوضہ کشمیر میں انڈیاانسانی حقوق کی سنگین خلاف ورزیاں کررہا ہے۔

عمران خان نے بتایا کہ پانچ اگست سے مقبوضہ کشمیر میں مسلسل بندشیں چل رہی۔

عمران خان نے کہا کہ کشمیریوں کی پریشانیوں کے خاتمے کے لیے دنیا کو نوٹس لینا چاہئے، ڈاکٹر عبداللہ محمد ابراہیم نے مقبوضہ کشمیر کی صورت حال پر تشویش کا اظہار کیا۔

اعلامیہ کے مطابق سعودی شوری کےنوفس نےمسئلہ کشمیر کے حل کےلئے پاکستانی موقف کی حمایت کی ہے۔

سعودی شوری کونسل کے چیرمین ڈاکٹر عبداللہ محمد نے مقبوضہ کشمیر کی صورتحال خدشات کا اظہار کیا ہے اور سعودی شوری کے چیرمین نے وزیراعظم کو سعودی قیادت کی نیک خواہشات بھی پہنچائیں ہیں۔