حکومت سندھ ناکام ہے، وزیر اعظم عمران خان نے اجلاس میں اس بات کی وضاحت کردی۔
تفصیلات کے مطابق اسلام آباد میں وزیراعظم عمران خان سے سندھ کی اتحادتی جماعتوں کے ارکان نے ملاقات کی جس میں ایم کیوایم پاکستان اور جی ڈی اے کے رہنماؤں سمیت آئی جی سندھ اور چیف سیکریٹری بھی شریک ہوئے۔
اراکین کے وفد کی قیادت گورنرسندھ عمران اسماعیل کررہے تھے، اس موقع پر وزیر اعظم کو صوبہ سندھ میں جاری فلاحی و ترقیاتی منصوبوں پرپیشرفت پر بریفنگ بھی دی گئی۔
اجلاس میں وزیر اعظم عمران خان نے کہا کہ دس برسوں میں سب سے زیادہ سندھ میں کرپشن ہوئی اور میں کرپشن کے خلاف جہاد کرنے آیا ہوں۔
انہوں نے کہا کہ کسی سے کوئی ڈیل ہوگی نہ ڈھیل دی جائے گی، دوسری جانب شرکا نے کہا کہ وزیراعلٰی سندھ مراد علی شاہ کے ہوتے وفاق کے منصوبے مکمل نہیں ہوسکتے ہیں۔
سیاسی رہنماؤں نے شکوہ کیا کہ سندھ حکومت دیہی و شہری علاقوں کو نظرانداز کررہی ہے، ملاقات میں وفاقی وزارتوں میں متعلقہ مسائل کے حل کیلئے فوکل پرسنز مقرر کرنے پر اتفاق بھی کیا گیا۔
مرتضیٰ وہاب نےمیڈیا سے گفتگو کرتے ہوئے کہا ہے کہ جمہوری طریقے سے حکومت نہ بنانے والے اس طرح کے حربے اپناتے ہیں۔
واضح رہے کہ اس سے قبل وزیر اعظم عمران خان اور صدر مملکت کی سعودی عرب کی شوریٰ کونسل کے چیئرمین سے ملاقات ہوئی جس میں دوطرفہ تعلقات و امور پر بات چیت کی گئی جبکہ سعودی شوریٰ کی جانب سے کشمیر کے حوالہ سے بین الپارلیمانی کانفرنس کے انعقاد کے فیصلے کو سراہا بھی گیا ہے۔
سعودی شوری کونسل کے چیرمین ڈاکٹر عبداللہ محمد نے مقبوضہ کشمیر کی صورتحال خدشات کا اظہار کیا ہے اور سعودی شوری کے چیرمین نے وزیراعظم کو سعودی قیادت کی نیک خواہشات بھی پہنچائیں ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News