کایلی جینر دنیا کی کم عمر ترین سیلف میڈ ارب پتی ماڈل ہونے کے ساتھ ساتھ سب سے زیادہ پیسے کمانے والی ماڈلز اور کاروباری شخصیت ہیں۔ ان کا شمار سب سے زیادہ فالو کی جانے والی ماڈلز میں بھی ہوتا ہے۔ وہ اپنے کاروبار کی وجہ سے دنیا کے مختلف ممالک کا دورہ بھی کرتی رہتی ہیں۔

دنیا بھر کے ممالک کے دوروں کے دوران وہ خود کو ڈاکوؤں اور جرائم پیشہ افراد سے محفوظ رکھنے کے لیے سیکیورٹی ٹیم کا انتظام کرتی ہیں۔

فیشن میگزین ’ان اسٹائل‘ کے مطابق کایلی جینر کی ماں نے اس بات کا انکشاف کیا ہے کہ ان کی دونوں بیٹیاں کنڈیل اور کایلی جینر خود کو جرائم پیشہ افراد اور ڈاکوؤں سے محفوظ رکھنے کے لیے اعلیٰ سیکیورٹی کا انتظام کرتی ہیں۔

کایلی جینر کی والدہ نے بتایا کہ کایلی کی سیکیورٹی ٹیم ہر وقت اور ہر ملک میں ان کے ساتھ ہوتی ہے۔

کایلی جینر کی والدہ نے بتایا کہ کایلی کی سیکیورٹی پر ہر ماہ 3 سے 4 لاکھ امریکی ڈالر یعنی پاکستانی تقریبا 7 کروڑ روپے تک خرچ ہوت ہیں۔

ان کے مطابق کایلی جینر کے پاس ہر وقت قیمتی اشیا اور تحائف ہوتے ہیں، اس لیے اب وہ کشی بھی ملک کے دورے کے دوران اپنی سیکیورٹی ٹیم کو ساتھ لے کر جاتی ہیں۔