رکن قومی اسمبلی اور پاکستان تحریک انصاف کے رہنماعامر لیاقت حسین ایک بار پھر تمغہ امتیاز حاصل کرنے والی اداکارہ مہوش حیات سے الجھ پڑے۔
عامر لیاقت حسین نے اداکارہ مہوش حیات کے حالیہ فوٹو شوٹ پر تنقید کرتے ہوئے ان کی تصویر شیئر کی ہے۔
مہوش حیات کی تصویر شیئر کرتے ہوئے عامر لیاقت حسین نے کیپشن پرطنز کے نشتر برساتے ہوئے اشعار بھی لکھے ہیں۔
انہوں نے اپنے بھرپور طنزیہ انداز میں لکھا کہ ’تمہیں تمغہ کہوں یا نغمہ کہ سورج کہوں یا تارا، کیسے نام کرے گا روشن دو جگ میں حال تمہارا‘۔
معروف مذہبی اسکالرکی پوسٹ جیسے ہی انٹرنیٹ پر آئی، سوشل میڈیا صارفین نے عامر لیاقت کو آڑے ہاتھوں لے لیا اور انہیں دوغلا قراربھی دیا۔
واضح رہے کہ اس سے قبل بھی تحریک انصاف کے رہنما اور رکن قومی اسمبلی عامر لیاقت ٹوئٹر پر اداکارہ مہوش حیات سے الجھ پڑے تھے۔
عامر لیاقت نے اداکارہ پر تنقید کرتے ہوئے لکھا تھا کہ ’ تمغہ امتیاز کا مطلب یہ نہیں ہے کہ آئٹم گرل امتیازی بیانات دیں، اُنہیں پاکستان کی پالیسی کے ساتھ چلنا چاہیے اور ویسے بھی قاسم سلیمانی اگر حیات ہوتے تو کیا ایران میں انہیں پرفارم کرنے بلاتے؟‘۔
عامر لیاقت کا اداکارہ کو ’آئٹم گرل‘ کہنا مہنگا پڑ گیا تھا اور مہوش حیات نے بھی ان کی تنقید کا بھرپور جواب دیا تھا۔
خیال رہے کہ عامر لیاقت حسین کی مہوش حیات پر تنقیدی پوسٹ پہلی مرتبہ نہیں بلکہ انہوں نے اداکارہ مہوش حیات کومتعدد بار تنقید کا نشانہ بنایا۔
اس سے قبل بھی انہوں نے ایوارڈ شو کی تقریب میں مہوش حیات کی پرفارمنس پر تنقید کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News