معروف اینکرپرسن، پاکستان تحریک انصاف کےرہنما اوررکن قومی اسمبلی عامر لیاقت حسین نے وفاقی حکومت کومستعفی ہونے کی دھمکی دے دی۔

تفصیلات کے مطابق عامر لیاقت اپنے ہی حکومتی وزرا کے خلاف ہوگئے۔سماجی رابطے کی ویب سائٹ ٹویٹرپرانہوں نے ناراضگی کا اظہار کھلے الفاظ میں کردیا۔

عامر لیاقت نےٹویٹر پر متعدد ٹویٹس کرتے ہوئے اپنے مستعفی ہوجانے سے متعلق وفاقی حکومت کوخبردار کیاہے۔ انہوں نے کہا ہے کہ لوگ مجھ سے سوال کرتے ہیں کہ وہ اپنے مسائل کے حل کے لیے کہاں جائیں؟

انہوں نے کہاکہ لوگوں کومیں کھل کر بتانا چاہتا ہوں کہ کوئی بھی وفاقی وزیر میرے فون کا جواب تک نہیں دیتا۔

وفاقی وزیر نے خبردار کیا کہ اگر حالات یہی رہے تو کم از کم وہ اپنی نشست پر نہیں رہیں گے اور عہدےسے استعفی دینے میں زرا بھی دیر نہیں کریں گے۔

لوگ مجھ سے سوال کرتے ہیں اور کررہے ہیں کہ مسائل کے حل کے لیے کہاں جائیں میں کھل کر بتانا چاہتا ہوں کوئی وفاقی وزیر قومی اسمبلی کے رکن کے فون تک کا جواب نہیں دیتا, حالات یہی رہے تو کم از کم میں اپنی نشست سے استعفی دینے میں زرا بھی دیر نہیں کروں گا

— Aamir Liaquat Husain (@AamirLiaquat) January 11, 2020

عامر لیاقت کا مزید کہناتھا کہ حکومتی ارکان نے حد کردی ہے وہ لاپرواہ اور غیر ذمہ دار ہیں، جب وہ اراکین قومی اسمبلی کےرکن کو جواب دینے کے روادار نہیں تو عوام کو کیا خاک ریلیف دیں گے۔

عامر لیاقت نےٹویٹ میں وفاقی وزرا سے مخاطب ہوکر کہاکہ ایک حد ہوتی ہے برداشت اور صبر کی، وزرا زمین پر آجائیں اور انسانوں کو اپنے در کا محتاج مت سمجھیں۔

لاپرواہی, غیرذمے داری اور بے اعتنائی کی حد ہے, جب آپ اپنے اراکین قومی اسمبلی کو جواب دینے کے روادار نہیں تو عوام کو کیا خاک ریلیف دیں گے؟ ایک حد تک صبر ہوتا ہے وزرا صاحبان! زمین پر انسان بن کر رہیے, انسانوں کو اپنے در کا محتاج مت سمجھیے!

— Aamir Liaquat Husain (@AamirLiaquat) January 11, 2020

رکن اسمبلی کا مزید کہناتھا کہ اٹھارہ مہینے سے کوارٹرز کی لیز کا معاملہ اٹکا ہوا ہےاورترقیاتی کام شروع نہیں ہوسکے، جس کی وجہ سے حلقے کے لوگوں کے چھوٹے چھوئے مسائل بھی حل نہیں ہوسکے۔

انہوں نے کہا کہ اگر بعض وزرا سنجیدہ ہوجائیں تولوگوں کے مسائل حل ہوسکتے ہیں،پی سی ون بنے رکھے ہوئے ہیں لیکن وفاقی حکومت فنڈز جاری نہیں کررہی،ایسے حالات 2002 کی اسمبلی میں نہیں تھے۔

اٹھارہ مہینے سے کوارٹرز کی لیز کا معاملہ اٹکا ہوا ہے
ترقیاتی کام شروع نہیں ہوسکے
حلقے کے لوگوں کے چھوٹے چھوئے مسائل حل ہوسکتے ہیں اگر بعض وزرا سنجیدہ ہوجائیں
پی سی ون بنے رکھے یوئے ہیں لیکن وفاقی حکومت فنڈز جاری نہیں کررہی
ایسے حالات 2002 کی اسمبلی میں نہیں تھے

— Aamir Liaquat Husain (@AamirLiaquat) January 11, 2020

ان کا کہناتھا وہ دوبارہ واضح کردینا چاہتے ہیں کہ انہیں وزارت کی تمنا ہے نا خواہش۔

اگر ’(وزارت) دی بھی جائے گی تو شکریے کے ساتھ واپس کردوں گا،لیکن حلقے کے عوام ناگفتہ بہ صورت حال سے دوچار ہیں، میں اچھا نہیں لگتا تو کسی اور کولاکر ان کو لیز دلوادیں،  سڑکیں بنوادیں، آراوپلانٹس لگوادیں، لیکن مسائل حل کردیں‘۔

انہوں نےمزید کہاکہ ’کسی ایم این اے کو فنڈزذاتی طور پر کبھی ملتے تھے اور نا ہی ملنے چاہییں مگر ترقیاتی کام تو شروع ہو، ہم سے اسکیمز مانگی گئیں، دے دیں، عملدرامد قومی اسمبلی کے رکن کا کام نہیں، اتحادیوں کے حلقوں کے لیے فنڈز جاری کر دیے گئے لیکن پی ٹی آئی کا ایم این اے حلقے کے عوام کو کیا جواب دے‘۔

عامر لیاقت کے ٹویٹ پر لوگوں کی جانب سے بھی مضحکہ خیر ردعمل کا اظہار کیاگیا ہے۔

ایک صارف نے ٹویٹ کرتے ہوئے لکھ کہ وفاقی وزیر اب جان چھوڑ دیں۔

جان چھوڑ

— RaNa (@r_shaaan) January 11, 2020

ایک اور صارف نے حکومتی وزرا پر طنز کے نشتر برساتے ہوئے کہا کہ وزیروں کوحریم شاہ سے فرصت ملے تو عوام پر توجہ دیں گے۔

https://twitter.com/Farhan_Speaks_/status/1215911658884911104

ایک صارف نے انہیں مشورہ دیتے ہوئے کہاکہ وہ پارٹی چھوڑنے میں دیر نہ کریں کیونکہ کسی کو انکی ضرورت نہیں۔

عامر بھائی آپ کو نہیں معلوم لیکن حقیقت میں پارٹی کو آپ کی بالکل ضرورت نہیں ہے۔ آپ واپس دینی پروگراموں پر توجہ دیجیئے

Advertisement

— عام آدمی Karachi Wala (@AamAdamiWala) January 11, 2020

ایک اور صارف نے کہا کہ انہوں نے اپنا کام شروع کردیا۔

عامر بھائی آپ نے اپنا کام شو رو کر دیا ہے
😂😂😂میربانی کریں آپ استفا دے پلززز 😎

— Sarmad Syed (@sarmadbcn) January 11, 2020

عامر لیاقت صاحب،
کیوں یہ لگ رہا ہے کہ آپ کو اگلی قسط کا سکرپٹ مل گیا یے۔

— میانہ روی کامتلاشی (@shoaibamir) January 11, 2020