محکمہ موسمیات کاکہناہے کہ ملک کے بیشتراضلاع میں موسم خشک رہے گا تاہم خیبرپختونخوا، اسلام آباد، بالائی پنجاب، کشمیراور گلگت بلتستان میں گرج چمک کے ساتھ بارش کاامکان ہے۔
تفصیلات کے مطابق اسلام آباد میں بدھ کی صبح مطلع بالکل صاف رہا تاہم گزشتہ شب ہونے والی بارش کے سبب سردی میں قدرے اضافہ ریکارڈ کیا گیا۔ محکمہ موسمیات کے مطابق آج مطلع جزوی ابرآلود اور گرج چمک کیساتھ بارش کا امکان ہے۔
پنجاب کے بیشتر اضلاع میں آج موسم خشک رہے گا تاہم راولپنڈی، گوجرانوالہ، سیالکوٹ ،نارووال، لاہور، جہلم، اٹک اورمیانوالی میں گرج چمک کے ساتھ بارش متوقع ہے۔
خیبرپختونخوا کے اضلاع چترال، دیر، کوہاٹ، مردان، میرکھانی، سیدوشریف، پشاور، کالام، کرم، ایبٹ آباد اورما نسہرہ میں گرج چمک کے ساتھ بارش ہوسکتی ہے تاہم دیگر اضلاع میں مطلع جزوی ابر آلود رہے گا۔
محکمہ موسمیات نے آزادکشمیر اور گلگت بلتستان میں بھی بارش کی پیش گوئی کی ہے۔ بدھ کے روز سندھ اور بلوچستان کا موسم گرم رہنے کا امکان ہے۔
گزشتہ24 گھنٹوں کے دوران خیبرپختونخوا، پنجاب، اسلام آباد، بلوچستان اور بالائی سندھ کے اضلاع میں گرج چمک کے ساتھ بارش ہوئی تاہم ملک کے دیگر حصوں میں موسم خشک رہا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News