امریکاکےبائیں بازوکےنظریات کےحامل سینیٹربرنی سینڈرزصدارتی انتخابات میں حصہ لینےکےلیے نامزدگی کی دوڑسےدستبردارہوگئے ہیں۔
عالمی خبررساں ادارےکےمطابق ان کےفیصلےکےبعدسابق نائب صدرجوزف بائیڈن کی ڈیموکریٹک پارٹی کے صدارتی امیدوارکی حیثیت سےنامزدگی یقینی ہوگئی ہے۔
انھوں نےاپنےآبائی شہربرلنگٹن ، ورمونٹ میں اپنےحامیوں کے اجتماع سےخطاب کرتےہوئےکہاکہ’’ہم مل کراورمتحد ہوکرڈونلڈ ٹرمپ کوشکست دینےکےلیےآگےبڑھیں گے۔ وہ امریکا کی جدید تاریخ میں خطرناک ترین صدر ہیں۔‘‘
برنی سینڈرزکےاعلان کےبعد جوبائیڈن نےان کے حامیوں پرزوردیا ہے کہ وہ اب ان کی مہم کی حمایت کریں۔
انھوں نے ایک ٹوئٹ میں اس امید کااظہارکیاہےکہ سینڈرزکےحامی ان کی مہم شامل ہوجائیں گےاورانھیں خوش آمدیدکہاجائے گا۔جو بائیڈن اب نومبرمیں امریکاہونےوالے صدارتی انتخابات میں ری پبلکن ڈونلڈ ٹرمپ کے مد مقابل ہوں گے۔
And to Bernie’s supporters: I know that I need to earn your votes. And I know that might take time. But I want you to know that I see you, I hear you, and I understand the urgency of this moment. I hope you'll join us. You're more than welcome: You're needed.
— Joe Biden (@JoeBiden) April 8, 2020
سینیٹربرنی سینڈرزنےصدارتی انتخاب میں کامیابی کی صورت میں وائٹ ہاؤس سےنچلی سطح تک انقلاب برپاکرنےکاوعدہ کیاتھالیکن امریکا کی مختلف ریاستوں میں پرائمری انتخاب میں وہ درکار ووٹروں کی حمایت حاصل کرنےمیں ناکام رہےہیں۔
انھوں نےاس بات کو تسلیم کرتےہوئےجوبائیڈن کےساتھ مل کرصدرڈونلڈ ٹرمپ کےمقابلےکاوعدہ کیاہے۔
جوبائیڈن نےبھی پارٹی کےحلقوں کی جانب سےان کےنظریات کےلیےحمایت کوتسلیم کیاہے۔ انھوں نے ٹوئٹر پرایک پوسٹ میں لکھا ہے:’’سینڈرز ایک عظیم لیڈر ہیں اور ہمارے ملک میں تبدیلی کی سب سے توانا آواز ہیں۔‘‘
I know Bernie well. He’s a good man, a great leader, and one of the most powerful voices for change in our country. And it’s hard to sum up his contributions to our politics in one, single tweet. So I won’t try to. https://t.co/Z6OkCDWFNm
— Joe Biden (@JoeBiden) April 8, 2020
قبل ازیں مارچ کے اوائل میں امریکا کے میڈیا ٹائیکون مائیکل بلومبرگ بھی ڈیموکریٹک پارٹی کی طرف سے صدارتی امیدوار کی نامزدگی کی دوڑ سے باہر ہو گئے تھے۔
78 سالہ برنی سینڈرز 2016ء میں بھی صدارتی انتخاب کی دوڑ میں شریک تھے لیکن وہ آخری لمحات میں ڈیموکریٹک پارٹی کی نامزدگی کی دوڑ میں ہلیری کلنٹن سے ہار گئے تھے۔اس مرتبہ بھی وہ اپنے اشتراکی نظریات کے ہم نوا پارٹی کارکنوں اور بالخصوص نوجوانوں کی حمایت کو اپنی امیدواری کے حق میں تبدیل کرنے میں ناکام رہے ہیں۔
خیال رہے کہ امریکا میں 3 نومبر 2020 میں صدارتی انتخاب شیڈول ہیں جس میں ڈیموکریٹک پارٹی کی جانب سے صدارتی امیدوار کی نامزدگی کے لیے برنی سینڈرز اور سابق امریکی نائب صدر جوبائیڈن میں سخت مقابلہ تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News