ایک بھارتی بزرگ کی سوشل میڈیا پر اپ لوڈ ایک ویڈیو وا ئرل ہوگئی جس میں دعویٰ کیا گیاتھا کہ الو سے کورونا وائرس کا علاج ہوتا ہے، تاہم پولیس کے ہتھے چڑھنے کے بعد بھارتی بابا نے بیان بدل لیا اور اسے جھٹ تسلیم کرلیا ہے۔
سوشل میڈیا پر 2 ویڈیوز وائرل ہوئی ہیں جن میں دکھایا گیا ہے کہ ایک بزرگ اپنا تعارف کراتے ہیں کہ وہ بھارتی ریاست راجستھان کے ضلع جے پور کے گاؤں کے رہائشی ہیں۔

وہ بزرگ بڑے وثوق سے دعویٰ کرتے ہیں کہ کورونا وائرس چھوت کی بیماری ہے جس کا علاج الو سے کیا جاتا ہے۔

https://www.youtube.com/watch?v=ZwnhojFI1vY

اس کے بعد دوسری ویڈیو میں وہی بزرگ پولیس کی جانب سے مزاج درست کیے جانے کے بعد تھانے کے احاطے میں نظر آتے ہیں۔

اس ویڈیو میں وہ بزرگ تسلیم کرتے ہیں کہ انہوں نے کورونا وائرس کے علاج سے متعلق جو کہا تھا وہ محض بکواس اور جھوٹ تھا اور وہ چند نوجوانوں کے اکسانے پر یہ ویڈیو بنانے کے لیے راضی ہوئے تھے۔

واضح رہے کہ بھارت بھر میں کورونا کے مریضوں کی تعداد اب تک 5ہزار 916 ہو چکی ہے ، 178 مریض اس وائرس کی وجہ سے انتقال کر چکے ہیں۔

5 ہزار 232 کورونا کے مریض بھارتی اسپتالوں میں زیرِ علاج ہیں، جبکہ 506 مریض صحت یاب ہو کر اپنے گھروں کو لوٹ چکے ہیں۔