پنجاب میں کرونا وائرس  کے مزید کیسز کی تصدیق ہوگئی جس کے بعد صوبے بھر میں متاثرہ افراد کی تعداد 2270 ہو گئی ہے۔

تفصیلات کے مطابق وزیراعلیٰ پنجاب سردار عثمان بزدار  نے سماجی رابطے کی وین سا ئٹ ٹویٹر پر اپنے ایک پیغام میں کہا کہ پنجاب میں کرونا وائرس متاثرہ مریضوں کی تعداد دو ہزار سے تجاوز کر گئی ہے۔

Total confirmed #COVID19 cases in Punjab are 2,279.
701 Zaireen are in DGK, Multan and Faisalabad quarantines, 696 are Tableeghi Jamaats’ members, 70 Jail Prisoners & 803 are Non-Quarantined.

Advertisement

Sadly we’v lost 18 precious lives, while 39 patients recovered!

31,535 tests conducted.

— Usman Buzdar (@UsmanAKBuzdar) April 9, 2020

اپنے پیغام میں وزیر اعلیٰ پنجاب سردار عثمان بزدار  نے کہا کہ اعدادوشمار کے مطابق ڈی جی خان،ملتان،فیصل آباد میں 701زائرین قرنطینہ میں ہیں جبکہ تبلیغی جماعت کے696افراد قرنطینہ میں ہیں اور کوروناوائرس کا شکار70قیدی جیلوں میں ہیں۔

وزیراعلیٰ پنجاب عثمان بزدارنے مزید کہا کہ پنجاب میں31535ٹیسٹ کیے گئے جن میں سے 18افراد جاں بحق ہوئے ہیں جبکہ 39افراد صحتیاب ہوچکے ہیں۔

یاد رہے اس سے قبل ترجمان پرائمری اینڈ سیکنڈری ہیلتھ کئیر سے جا ری کردہ بیان کے مطابق پنجاب میں کورونا وائرس کے مزید 58 کیسز کی تصدیق ہوئی ہے جس کے بعد صوبے بھر میں مجموعی تعداد 2224 ہو گئی ہے۔

واضح رہے کہ ملک میں کورونا وائرس کے آج 330 افراد میں مہلک وائرس کی تشخیص ہوئی جن میں سندھ سے 92  ، خیبرپختونخوا میں 99 ،بلوچستان میں 7 ، پنجاب میں 108 ، گلگت بلتستان میں 3 ، آزاد کشمیر میں 6 اور اسلام آباد میں19 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 4481 تک پہنچ گئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 1128 ، بلوچستان میں 219 ، خیبرپختونخوا میں 620 ،اسلام آباد میں 102 ، گلگت بلتستان میں 215 ، پنجاب میں 2279 اور آزاد کشمیر میں 34 مریض موجود ہے۔