عالمی چیمپئن انگلینڈ کی ٹیم کے جارح مزاج وکٹ کیپر  بلے باز جوس بٹلر نے اپنی ورلڈ کپ کی شرٹ نیلامی کے لیے پیش کردی۔

سماجی رابطے کی ویب سائٹ پر جاری پیغام میں جوس بٹلر نے اپنی کرکٹ ورلڈکپ 2019  کے فائنل میں پہنی جانے والی شرٹ نیلامی کے لیے پیش کرنے کا اعلان کیا۔

جوس بٹلر کا کہنا ہے کہ کورونا وائرس کے خلاف لڑائی میں اپنا حصہ ڈالنے کے غرض سے انہوں نے وہ شرٹ نیلام کرنے کا ارادہ کیا ہے جو فائنل کے روز پہنی ہوئی تھی۔

To bid on my World Cup shirt in aid of the @RBHCharity go to … https://www.bolnews.com/urdu/latest/2020/04/707614/amp/

Advertisement

— Jos Buttler (@josbuttler) March 31, 2020

شرٹ کی نیلامی سے ملنے والی رقم برطانیہ میں کورونا وائرس کا مقابلہ کرنے کے لیے بنائے جانے والے ہسپتالوں کو جائے گی۔

یاد رہے کہ ورلڈ کپ 2019 کے فائنل میں لارڈز کے میدان میں انگلینڈ نے نیوزی لینڈ کو سپر اوور میں شکست دی تھی ۔جوس بٹلر نے مارٹن گپٹل کو رن آؤٹ کرکے  اپنی ٹیم کو فتح سے ہمکنار آیا تھا۔

اب تک ان کی شرٹ کے لیے لگائی جانے والی سب سے بڑی بولی کی مالیت 65 ہزار 900 یوروہے۔