چین میں کوروناوائرس سےسب سےزیادہ  متاثرہونےوالا شہر ووہان  76 روزبعد کھل گیاہے۔

تفصیلات  کےمطابق چینی شہرووہان میں 76 دن بعد لاک ڈاؤن ختم کردیاگیاہےاورلوگوں کودوسرے شہروں میں جانےکی اجازت دی گئی ہے۔

تاہم صرف ان ہی شہریوں کو ووہان شہر سےنکلنےکی اجازت دی جائےگی جن کےاسمارٹ فون کی ہیلتھ مانیٹرنگ ایپ میں’’سبز‘‘کیوآرکوڈموجودہوگا۔

مقامی میڈیا کےمطابق منگل کوچینی حکام نے 76 روزہ لاک ڈاؤن کے بعد ووہان کو آمد و رفت کیلئے کھول دیا ہے۔

چین نے گزشتہ دنوں اعلان کیا تھا کہ وہ 8 اپریل تک ایک کروڑ 10 لاکھ افرادپرمشتمل شہرووہان میں لاک ڈاؤن ختم کردے گا۔

واضح رہےکہ ناول کورونا وائرس ’’کووِڈ 19‘‘ کی وبا 2019 کے اختتامی دنوں میں چینی صوبہ حوبے کےشہرووہان سےشروع ہوئی جوآج ایک عالمی وبامیں تبدیل ہوچکی ہے۔

چین نےفوری حفاظتی تدابیراختیارکرتےہوئے23 جنوری سےووہان میں مکمل لاک ڈاؤن کردیاتھاجس کے تحت نہ تووہاں کےرہنےوالوں کوشہرچھوڑنےکی اجازت تھی اورنہ ہی کسی دوسرےشہرکاباشندہ وہاں داخل ہوسکتا تھا۔

  گزشتہ روزچین میں کوروناسےہلاکت کاایک کیس بھی سامنےنہیں آیاتھا،جبکہ لاک ڈاؤن ختم ہونےکے بعدریلوےاسٹیشن، بس اڈوں اورہوائی اڈوں پردوسرےشہروں کوجانےوالےلوگوں کاہجوم دیکھنےمیں آیا۔

واضح رہےکہ ووہان سے شروع ہونے والا کورونا وائرس اس وقت دنیا کے 190  سے زائد ممالک تک پھیل چکاہے جس سے اب تک 14 لاکھ  40  ہزار سے زائد افراد متاثر ہوچکے ہیں جبکہ ہلاکتوں کی تعداد 82 ہزار 136 تک پہنچ چکی ہے۔تاہم صحت یاب ہونےوالےافرادکی تعداد3 لاکھ سےزائد ہے ۔