ایران نے  کورونا وائرس کے خلاف بڑی کامیابی حاصل کرتے ہوئے محض 5 سیکنڈز میں وائرس کا پتہ لگانے والی ڈیوائس تیار کرلی۔

تفصیلات کے مطابق ایران  کی پاسداران انقلاب  ( آئی آر سی جی ) نے کورونا وائرس کا پتہ لگانے والی ایک جدید ڈیوائس تیار کرلی ہے  جس کی رونمائی کردی گئی۔

پاسداران انقلاب کے کمانڈر میجر جنرل حسین سلامی نے کہا کہ مقامی سطح پر تیار کی گئی ڈیوائس   جدید ترین اور اپنی نوعیت کی منفرد ڈیوائس ہے  جسے کورونا وائرس کے پھیلاؤ کے سبب ایرانی سائنسدانوں نے تیار کیا ہے۔

کمانڈر میجر جنرل حسین سلامی نے کہا  کہ یہ ڈیوائس محض 5 سیکنڈز میں 100 میٹر کے دائرے میں ہر کورونا وائرس انفیکشن کیس کا پتہ لگانے کے قابل ہے۔

Advertisement

#COVID19 tests transformed! | #Iran unveils remote, 5-sec #coronavirus testing device pic.twitter.com/DzyZb4D03L

— RT (@RT_com) April 16, 2020

انہوں نے مزید کہا کہ اس ڈیوائس کا سب سے بڑا فائدہ یہ  ہوگا کہ کورونا وائرس کی تشخیص  کے لیے اب خون کی جانچ کی ضرورت نہیں رہے گی، کیونکہ یہ  ڈیوائس متاثرہ افراد کی دور سے ہی شناخت کرسکتی ہے۔