کورونا وائرس نے دنیا بھر کواپنے شکنجے میں لے لیا ہےاور تمام تر لوگوں کی سرگرمیوں اور زندگیوں کو کسی نہ کسی حد تک ضرور متاثر کیا ہے، کوئی لاک ڈاؤن میں سوشل میڈیا کا استعمال پہلے سے زیادہ کررہا ہے تو کسی نے سوشل میڈیا کا استعمال کم کردیا ہے۔

پاکستان شوبز انڈسٹری کی اداکارہ مایا علی سوشل میڈیا پر کافی حد تک فعال نظر آتی ہیں اور اپنے چاہنے والوں کو سوشل میڈیا کے ذریعے اپ ڈیٹ رکھتی ہیں لیکن اب مایا نے سوشل میڈیا سے وقفہ لینے کا اعلان کردیا ہے۔

اداکارہ کی جانب سےسوشل میڈیا پر  ایک طویل پوسٹ شیئر کی گئی جس میں انہوں نے کچھ عرصہ وقفہ لینے کا اعلان کیا۔

https://www.instagram.com/p/B-o1XMonUhe/?utm_source=ig_embed

مایا علی نے اپنے چاہنے والوں کو سوشل میڈیا سے بریک لینےکی یہ وجہ بتائی کہ وہ ‘اپنے اندر کے سکون کو تلاش کرنے اور پورے نظام کو دوبارہ ترتیب دینے کے لیے یہ بریک لے رہی ہیں’۔

 اپنی تفصیلی پوسٹ میں اداکارہ نے یہ بھی لکھا کہ ‘کبھی کبھار ہمیں اپنے ارد گرد کی نعمتوں کے بارے میں سوچنے اور ان کی گنتی کرنے میں وقت چاہیے ہوتا ہے’۔

علاوہ ازیں مایا علی نےکہا کہ میری ٹیم میرےمداحوں کو غریبوں میں راشن بیگز تقسیم کرنےکے حوالے سے اپ ڈیٹ کرتی رہے گی۔

خیال رہے کہ اداکارہ مایا علی نے کورونا وائرس کے پیش نظر لگائے گئے لاک ڈاؤن کے باعث گھروں میں محصور مستحق افراد تک راشن پہنچانے کا بیڑا اٹھایا ہے۔