کیمرون کے  شمال علاقےمیں عسکریت پسند تنظیم بوکوحرام کےخود کش حملےمیں 8 شہری لقمہ اجل بن گئے۔

عالمی خبررساں ادارےکےمطابق کیمرون کےوزیر دفاع جوزف بیتی آسومونےپریس کانفرنس  کرتےہوئےکہاکہ آمچیدےقصبےمیں بوکوحرام کے 2 جنگجوؤں نےاپنےجسموں پرباندھےبم ایک پُرہجوم مقام پردھماکےسےاڑادیئے۔

وزیردفاع کاکہناتھاکہ حملےمیں 8 شہری ہلاک اور 14 زخمی ہوئے، جن میں سے 10 کی حالت نازک ہے۔

دوسری جانب حکومت چاڈنےاپنے ملک سےبوکوحرام کاصفایاکرنےکااعلان کیا ہے۔

سرکاری ترجمان عمریحییٰ حسین نےبوہوماغضابی نامی آپریشن سے متعلق غیرملکی ذرائع ابلاغ کوبتایا کہ ہم نےملک سےبوکوحرام کےتمام عناصر کاصفایا کردیاہے۔

صدرادریس دیبی کےدفترنےبھی اپنے بیان میں اس بات کااعلان کیاکہ چاڈجھیل اورملک کےباقی تمام علاقوں سےفوج نے بوکو حرام کاصفایا کردیاہےحتیٰ کہ فوج نےعسکریت پسندوں کانائیجراورنائیجیریا سے ملحقہ سرحدوں تک پیچھاکیاہے۔

واضح رہےکہ بوکوحرام کے چاڈ جھیل نامی صوبےمیں فوج پرحملے کے دوران 98 ہلاک ہو گئےتھے۔

نائیجیریا کی تنظیم بوکو حرام خاص کرکیمرون کےشمالی علاقوں کونشانہ بناتی رہتی ہے ۔