لاہورہائیکورٹ کی جانب سےچائلڈ پورنوگرافی کیس کےمجرم کی سزا کےخلاف اپیل مسترد کردی گئی۔
تفصیلات کے مطابق مجرم سعادت امین کی سزا کے خلاف اپیل پرلاہورہائیکورٹ کےجسٹس فاروق حیدرنےسماعت کرتے ہوئے فیصلہ محفوظ کیا جسے تھوڑی دیر بعد سنایا گیا۔
لاہور ہائیکورٹ نے سعادت امین کی سزا کے خلاف اپیل کو مسترد کرتے ہوئے فیصلہ دیا ہےکہ مجرم اپنی 7 سال قید کی سزا پوری کرےگا۔
لاہورہائیکورٹ کے فیصلےکے بعد مجرم سعادت کی ضمانت کا فیصلہ بھی غیرمؤثرہوگیا۔
خیال رہےکہ مجرم کو بچوں کی قابل اعتراض تصاویراور ویڈیوزناروے بھیجنےکےجرم میں 7 سال قیدکی سزا سنائی گئی جب کہ چند روز قبل اس کی ضمانت پررہائی ہوئی تھی جس پر ایڈیشنل اٹارنی جنرل نے ایف آئی اے کی ٹیم کو بھی طلب کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News