تیرہویں صدی میں مسلمانوں کی فتوحات کی عظیم داستان ترک سیریز ’ارتغرل غازی‘ اس وقت پاکستان میں مقبولیت کے نئے ریکارڈ بناچکا ہے اور ڈرامے کی اردو ڈبنگ میں پہلی قسط کے نشر ہونے کے ساتھ ہی دیکھنے والے لوگوں کی تعداد لاکھوں تک جاپہنچی ہے۔
اس وقت پاکستان میں’ارطغرل غازی‘نشرکیا جارہاہے اوراب تک ڈرامے کی 24 اقساط مکمل ہوچکی ہیں اور اس عظیم داستان نے تاریخ رقم کردی ہے، کئی پاکستانی فنکاروں کی جانب سے اسے سرکاری ٹی وی پر نشرکرنے پر تحفظات کا اظہار کیاگیا، تاہم اداکارہ نیلم منیر ’ارطغرل غازی‘ نشر ہونے کی زبردست حمایت کرتے ہوئے سامنے آئی ہیں اور سوشل میڈیا پر اپنا پیغام دے ڈالا۔
اداکارہ نے انسٹاگرام پراظہار خیال کرتے ہوئے کہا کہ ”اگر چہ میں اپنی برداری میں تمام لوگوں کے خیالات کا احترام کرتی ہوں لیکن میں یہ سمجھتی ہوں کہ یہ ترکش یا پاکستانی مواد کا معاملہ نہیں ہے ، ہمیں اس سے باہر نکل کر دیکھنا چاہیے۔‘
نیلم منیر کا کہناتھا کہ ’یہ اسلامی مواد ہے ،جس میں بہت ہی زیادہ حکمت ہے اور یہ ہمیں مسلمانوں کی تاریخ اور اقدار کے بارے میں معلومات فراہم کرتا ہے ، انہوں نے انصاف کے قیام کیلئے اپنی جانیں قربان کیں اور اللہ کے راستے پر چلتے رہے۔‘
اداکارہ کا مزید کہناتھا کہ ’ یہ ایسا ہی ہے جیسا کہ آپ کوئی مسلمانوں کی تاریخ پر لکھی کتاب پڑھ رہے ہوں، آئیں اسلامی ورثے پر فخر کریں اور ایسا ہی مواد پاکستان میں بھی بنانے کے جذبے سے کام کریں جس پر ہم بھی فخر کر سکیں‘ ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News