عالمی وبا کورونا سے محفوظ رہنے کے لیے لاک ڈاون نافز کیا گیا تھا تاہم لاک ڈاون ختم کرنے کا اعلان کر دیا گیا ہے۔

تفصیلات کے مطابق واشنگٹن کے میئر نے اعلان کیا ہے کہ لاک ڈاؤن میں نرمی کی جائے۔

واشنگٹن کے میئر نے بتایا کہ کورونا کے کیسز میں کمی کے باعث لاک ڈاون میں نرمی کرنے کا فیصلا کیا گیا ہے۔

انہوں نے اعلان کیا کہ ریسٹورنٹس اور دیگر کاروبار جسمانی دوری کو مدنظر رکھتے ہوئے کھولے جا سکتے ہیں۔

واشنگٹن کے میئر مورییل باؤزر نے پریس کانفرنس کرتے ہوئے کہا ہے کہ آج سے شہریوں کے لیے گھر پر رہنے کا حکم ختم ہو جائے گا۔

میئر مورییل باؤزر نے کہا کہ شہر کو جمعے سے دوبارہ کھولنے کی شروعات ہو جائے گی۔

انہوں نے کہا کہ ریسٹورنٹس صرف آؤٹ ڈور کھانے کی میزیں رکھ سکیں گے جبکہ میزوں کے درمیان چھ فٹ کا فاصلہ رکھنا ضروری ہو گا۔

دوسری جانب مورییل باؤزر نے بتایا کہ ریٹیل کاروبار پک اپ اور ڈیلیوری کی سہولت فراہم کر سکیں گے۔

 جبکہ حجام کی دکانیں اور سیلون صرف اپائنمنٹ کے ذریعے کام کر سکیں گے۔

ان کا یہ بھی کہنا تھا کہ پارکس، گولف کورسز اور ٹینس کورٹ بھی کھول دیے جائیں گے۔

واضح رہے کہ مورییل باؤزرنے سختی سے کہا کہ اس دوران یہ بہت ضروری ہے کہ لوگ ماسک پہنیں اور احتیاط کریں۔