معاون خصوصی صحت ڈاکٹر ظفر مرزا کا کہنا ہے کہ کورونا ویکسینیشن کی تیاری میں پاکستان کا امریکی دوا ساز کمپنی سے معاہدہ ہوگیا ہے۔

وزیراعظم عمران خان کے ساتھ میڈیا بریفنگ دیتے ہوئے ڈاکٹر ظفر مرزا کا کہنا تھا کہ امریکی کمپنی گیلیڈ کی کورونا سے بچاؤ کی دوا کی تیاری کے لیے پاکستان سمیت دنیا کی پانچ مختلف کمپنیوں سےمعاہدے ہوگئے ہیں جبکہ یہاں تیار کی جانے والی دوا دنیا کے 127 ملکوں کو فراہم کی جائے گی اور دوا کی تیاری 6 سے 8 ہفتے کے دوران شروع ہو جا ئے گی۔

انہوں نے کہا کہ وی کئیر کا مقصد اِن ہیلتھ ورکرز کو مناسب ذاتی حفاظتی سازوسامان (پی پی ای) فراہم کرنا ہے بین الاقوامی معیار کے مطابق حفاظتی سامان کو استعمال کرنے کے حوالے سے معلومات فراہم کرنا ہے جبکہ نگہداشت اور معاونت کا ایک مجموعی سماجی ماحول پیدا کرنا بھی ہے۔

معاون خصوص صحت کا مزید کہنا تھا کہ وفاقی حکومت نے عوامی مقامات پر ماسک پہننا لازمی قرار دے دیا ہے، فیصلے کا باقاعدہ نوٹیفکیشن جلد جاری کردیا جائے گا۔

ظفر مرزا کا کہنا تھا کہ کورونا وائرس کے علاج کیلئے پاکستانی فارماسیوٹیکل کمپنی 8 ہفتوں میں ’ریمڈیزور‘ تیار کرے گی۔