تمباکو کے پتوں سے کورونا ویکسین تیار کرنےکادعوٰی


رومیصہ ملکویب ایڈیٹر

16th May, 2020
کوروناویکسین

حال ہی میں سگریٹ بنانےوالی ایک کمپنی نےتمباکوکےپتوں سے ویکسین تیارکرنےکادعوی ٰ کیاہے۔

عالمی خبررساں ادارےکےمطابق دنیاکی دوسری بڑی ٹوبیکوکمپنی برٹش امریکن ٹوبیکوکاکہناہےکہ کوروناوائرس کےخلاف ان کی ویکسین تیارہوچکی ہے،ویکسین میں تمباکوکےپتوں میں موجودپروٹین شامل کیا گیاہےجس سے ایک ٹیسٹ میں انسانی قوت مدافعت میں اضافہ دیکھا گیا تھا۔

کمپنی کاکہناہےکہ ان کی تیار کردہ ویکسین کو امریکی فوڈ اینڈ ڈرگ ایڈمنسٹریشن (ایف ڈی اے) کی منظوری ملتےہی وہ اس کی انسانی آزمائش کے پہلے مرحلے کا آغاز کردیں گے۔

کمپنی نے اس سے قبل اپریل میں جب ویکسین بنانے کا اعلان کیا تھا تو اسے سخت تنقید کا سامنا کرنا پڑا تھا۔

واضح کہ دنیا بھرمیں کوروناوائرس کےخلاف مختلف ویکسینزاورعلاج کی تیاری پرکام کیاجارہاہے۔ کورین ماہرین نےبھی نیفاموسٹیٹ نامی دواکوروناوائرس کے مرض کے لیےتلاش کرلی ہےجوریمڈسیورسےبھی زیادہ مؤثرہے۔

نیفاموسٹیٹ نامی دوا لبلبے (پنکریاز) کےکینسرکےعلاج کے لیے استعمال کی جاتی یہ ان 24 ادویات میں سب سےزیادہ مؤثرثابت ہوئی ہیں جن کاویروسیل کلچرکےساتھ تجربہ کیاگیاتھا۔