عالمی ادارہ صحت (ڈبلیو ایچ او) کی جانب سے کورونا کے لیے ہائیڈروکسی کلوروکوئن کا کلینیکل ٹرائل روکنے کی ہدایت جاری کر دی گئی۔

تفصیلات کے مطابق ڈبلیو ایچ او کا کہناہے کہ ہائیڈروکسی کلوروکوئن کے کلینیکل ٹرائل کیلئے پابندی مختلف ممالک میں کوروناوائرس سے بچاو کیلئے ویکسین پر کام کرنے والے تنظیم کی سفارش پر لگائی گئی ہے۔

تحقیق کرنے والوں کے مطابق تجربے میں یہ بات سامنے آئی ہے کہ ہائیڈروکسی کلوروکوئن کا کورونامریضوں پر استعمال موت کے امکانات بڑھا سکتا ہے۔

سربراہ ڈبلیو ایچ او ڈاکٹر ٹیڈروس کے مطابق دوا سے متعلق تمام پہلووں کا جائزہ لیا جائے گا تاہم عارضی طور پر اس پر پابندی عائد کی جارہی ہے۔