امریکی فضائیہ نے اتوار کے روز اپنے دوبارہ قابل استعمال ہائی ٹیک ڈرون ‘ایکس 37 بی’ کو اپنے چھٹے خفیہ مشن کے لیے خلا میں بھیج دیا ہے۔

غیر ملکی  خبررساں  ادارے کے مطابق امریکی ایئر فورس کا کہنا تھا کہ یہ ڈرون امریکی خلائی پروگرام کے ذریعہ 2011 میں ریٹائرڈ کیے گئے خلائی شٹلز کے چھوٹے ورژن سے ملتا جلتا ہے۔

ان کا کہنا تھا کہ یہ کئی مہینے مدار میں گزارے گا جہاں یہ کئی تجربات کرے گا۔

سکریٹری دفاع مارک ایسپر نے ڈرون کے تجربے کے فوری بعد ہی ٹوئٹ میں کہا کہ ‘X-37B دوبارہ قابل استعمال خلائی جہاز کے چھٹے مشن پر مبارکباد‘

Advertisement

Congratulations on the 6th mission of the X-37B reusable spacecraft @SpaceForceDoD @USAirForce @AF_Academy. pic.twitter.com/ENYg0FDIGR

— @EsperDoD (@EsperDoD) May 17, 2020

امریکی ایئر فورس کے سیکریٹری باربرا بیریٹ نے رواں ماہ کے آغاز میں بتایا تھا کہ یہ ڈرون ایک انتہائی خفیہ منصوبہ ہے۔

باربرابریٹ کا کہنا تھا کہ ڈرون ایک چھوٹے فالکن سیٹ-8 نامی ریسرچ سیٹلائٹ کو تعینات کرے گا تاکہ مزید تجربات کیے جاسکیں۔

اس ڈرون کے حوالے سے ان کا کہنا تھا کہ  ’یہ ایکس 37 بی مشن کسی بھی دیگر سابقہ مشن کے مقابلے میں زیادہ تجربات کرے گا‘۔

تجربات میں بیجوں اور دیگر مواد پر تابکاری کے اثرات کی جانچ، شمسی توانائی کو ریڈیو فریکوینسی مائکروویو توانائی میں تبدیل کرنا، جو زمین پر منتقل کی جاسکتی ہے، شامل ہیں۔

ایکس 37 بی کی لمبائی 29 فٹ (9 میٹر) ہے جس کا پنکھ 15 فٹ (4.5 میٹر) ہے۔