فارمولا ون ریسز منتظمین نے کورونا ٹیسٹ پازیٹو آنے پر بھی ریسز جاری رکھنے کا اعلان کیا ہے۔
غیر ملکی خبررساں ادارے کے مطابق عالمی وبا کووڈ 19 یعنی کورونا کے باعث وسط مارچ سے معطل فارمولا ون سیزن 5 جولائی سے آسٹریا میں شروع ہورہا ہے۔
چیف ایگزیکٹو چیز کیری کا کہنا ہے کہ ڈرائیور کا کوویڈ 19ٹیسٹ مثبت آنے پر ریس منسوخ نہیں کریں گے، کسی ایک شخص کی وجہ سے ریسز کو ملتوی نہیں کیا جاسکتا۔
ابتدائی اعلان کے مطابق فارمولا 1 کے 2 ابتدائی میچز دو ہفتوں بالترتیب 5 جولائی اور 12 کو آسڑیا میں جبکہ تیسرا میچ 17 جولائی کو ہنگری میں منعقد ہوگا ۔
انتظامیہ کے مطابق اس کے بعد برطانیہ میں لگاتار دو ریس اور اسپین ، بیلجیم اور اٹلی میں ہونے والے ایونٹس سے پہلے دو ہفتوں کا وقفہ ہوگا۔
Advertisement
انتظامیہ کا کہنا ہے کہ کورونا کا ٹیسٹ مثبت آنے والے ڈرائیور کو قرنطینہ کرنے کی حوصلہ افزائی کے ساتھ ہوٹل کی سہولت بھی دی جائے گی جبکہ وائرس سے متاثرہ ڈرائیور کے متبادل ڈرائیور کا بھی انتظام کیا جائے گا تاکہ ایونٹ میں کوئی رکاوٹ پیدا نہ ہو۔
مجموعی طور پر آٹھ فارمولا ون ریسز کا شیڈول تیار کیا گیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
