عالمی وبا کورونا وائرس پر قابو حاصل کرنے کے لیے ناسا کی جانب سے انوکھا ہار تیار کر لیا گیا۔
تفصیلات کے مطابق امریکی خلائی ادارے ناسا نے کورونا وائرس کے پھیلاؤ کو روکنے کے لیے ایک ایسا ہار تیار کیا ہے جو کہ آپ کو چہرے پر بار بار ہاتھ لگانے سے روکے گا۔
امریکی خلائی ادارے ناسا کی جانب سے تیار کیے جانے والے ہار کا نام پلس رکھا گیا ہے۔
یاد رہے کہ اس ڈیوائس کو ناسا کی جیٹ پروپلسیون لیبارٹری کی جانب سے تیار کیا گیا ہے۔
اس ہار کی دلچسپ بات یہ ہے کہ جس شخص نے اپنے گلے میں یہ ہار پہن رکھا ہوگا وہ جیسے ہی اپنا ہاتھ چہرے کے قریب لے کر جائے گا تو یہ فوراً وائبریٹ ہونے لگے گا۔
اس ہار کے وائبریٹ ہونے کی وجہ سے آپ کو فوراً یاد آجائے گا کہ چہرے پر ہاتھ نہیں لگانا ہے۔
اس طرح سے اس ڈیوائس کا استعمال کرنے سے کورونا وائرس کے پھیلاؤ کو روکنے میں کافی مدد ملے گی۔
واضح رہے کہ کورونا وائرس سے محفوظ رہنے کے لیے ماہرین کی جانب سے بار بار ہاتھ دھونے ےاور چہرے کو نہ چھونے کی ہدایت کی جارہی ہے ساتھ ہی ماسک کے استعمال کی بھی تاقید کی جا رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News