کورونا وائرس، جان بچانے والی دوا دریافت کرلی گئی

سید قاسم رضا

16th Jun, 2020. 07:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا وائرس، جان بچانے والی دوا دریافت کرلی گئی

Synopsis

یہ دوا پہلے سے دنیا بھر میں وافر مقدار میں دستیاب ہے اور پاکستان میں بھی درجنوں کمپنیاں اسے بنا رہی ہیں جو تین سو روپے تک میں باآسانی دستیاب ہے۔

کورونا وائرس سے پریشان عالمی دنیا کے لیے خوشخبری، کورونا سے جان بچانے والی دوا دریافت کرلی گئی۔

غیر ملکی خبر رساں ادارے کے مطابق برطانیہ کے ماہرین نے دعویٰ کیا ہے کہ کورونا وائرس کے مریضوں کی جان بچانے کے لیے اب تک سب سے اہم پیش رفت ہوئی ہے ، ایک عام دوا کے بارے میں پتہ چلا ہے کہ وہ اس مرض کے علاج میں موثر ہے۔

برطانیہ کے ماہرین کا کہنا ہے کہ مہلک وائرس کے خلاف جنگ میں کم مقدار میں اسٹیرائیڈ کے ذریعے علاج ایک اہم پیشرفت ہے۔منہ یا انجیکشن کے ذریعے سے دی جانے والی اس دوا کا نام ڈیکسامیتھاسون ہے۔

ماہرین کا کہنا ہے کہ اس دوا سے وینٹیلیٹر پرجانے والے مریضوں میں اموات کی شرح 30 فیصد جبکہ آکسیجن استعمال کرنے والے مریضوں میں موت کی شرح 50 فیصد تک کم ہوگئی ہے۔

برطانوی محکمہ صحت نے اسپتالوں کو یہ دوا استعمال کرنے کی ہدایت دے دی ہے۔

اس دوا کی خاص بات یہ ہے کہ یہ دوا زیادہ مہنگی نہیں ہے اور نہ ہی کوئی ایسی دوا ہے جس کی فراہمی میں یا تیاری میں وقت لگے۔