پاکستان کے مشہور اداکار کو 2020 کے سو پُرکشش چہروں کیلئے نامزد کر لیا گیا۔
تفصیلات کے مطابق پاکستان کے نامور اداکار فواد خان کا نام 2017 اور 2018 کے بعد ایک بار پھر اس فہرست میں شامل کر لیا گیا۔
یاد رہے کہ پاکستان شوبز انڈسٹری کے خوبرو اور پرکشش اداکار کی انڈیپنڈنٹ کرٹیک نامی ویب سائٹ پر نامزدگی کی گئی ہے۔
ٹی سی کینڈلر کی جانب سے فوٹو اور ویڈیو شیئرنگ ایپ انسٹاگرام پر اُن تمام اُمیدواروں کی تصاویر پوسٹ کی گئی ہیں جن کا نام 2020 کے انتہائی خوبصورت چہروں کے لیے نامزد کیا گیا ہے۔
ٹی سی کینڈلر کی طرف سے کی جانے والی پوسٹ میں ایک تصویر فواد خان کی بھی ہے جنہیں 2020 کےخوبصورت چہروں کے لیے نامزد کیا گیا ہے۔
دوسری جانب فواد خان کی جانب سے ابھی تک اِس حوالے سے کوئی خبر سامنے نہیں آئی ہے۔
اس فہرست میں فواد خان کے ساتھ ہالی ووڈ اداکار کینو ریوس، ريفز، انگلش اداکار ڈینیل ریڈکلف، امریکی اداکار جیسن موموا، بھارتی اداکار سدھارتھ ملہوترا اورانگلش گلوکار زین ملک بھی شامل ہیں۔
2019ء کے خوبصورت چہروں میں عمران عباس شامل ہوئے تھے، عمران عباس مذکورہ فہرست میں 66ویں پوزیشن حاصل کرنے میں کامیاب رہے تھے، عمران عباس واحد پاکستانی اداکار تھے جنہوں نے حتمی فہرست میں جگہ بنائی تھی۔
واضح رہے کہ انڈیپنڈنٹ کریٹک 1990 سے دنیا کے پرکشش چہروں کی فہرست مرتب کرتا آرہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News