آل پاکستان انجمن تاجران کی جانب سے حکومت کی طرف سے مارکیٹں اور بازار دوبارہ بند کرنے کے فیصلے کے خلاف ردعمل ظاہر کیا گیا ہے۔
تفصیلات کے مطابق اجمل بلوچ صدر آل پاکستان انجمن تاجران نے کہا ہے کہ یس او پیز کا بہانہ بنا کر ملک بھر میں دوبارہ مارکیٹیں اور بازار بند کرنے کے فیصلہ کو مسترد کرتے ہیں۔
انہوں نے کہا کہ کورونا وائرس جیسی وبا کا مقابلہ خالی پیٹ ممکن نہیں ہوسکتا ہے اور دوکانیں بند کروانا کورونا سے شکست تسلیم کرنے کے مترادف ہے۔
برہمی کا اظہار کرتے ہوئے اجمل بلوچ کا کہنا تھا کہ وزیراعظم کہتے ہیں لاک ڈاون ختم کرو صوبائی وزرا اور ترجمان لاک ڈاون کو اور سخت کرنے کی بات کرتے ہیں۔
اجمل بلوچ نے کہا کہ جہاں ایس و پیز پر عملدارامد نہیں ہورہا وہاں عملدرآمد کروانے کی منصوبہ بندی کرنا ہوگی کیونکہ کورونا نے کتنی دیر رہنا ہے کسی کو کچھ پتہ نہیں اور کورونا کی موجودگی میں زندگی کا پہیہ رواں رکھنے کی ٹھوس منصوبہ بندی کی ضرورت ہے۔
اجمل بلوچ نے مزید کہا کہ عوام میں مسلسل آگاہی پھیلا کر کورونا کا مقابلہ کیا جاسکتا ہے، کورونا سے زندگی بچانا بھی ہے اور کورونا میں زندگی گزارنا بھی ہے۔
انہوں نے کہا کہ حکومت تاجر تنظیموں کے ساتھ مل کر کورونا سے خفاظت کے متعلق ایس و پیز پر عملدرآمد کی حکمت عملی وضع کرے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News