فرانس میں دلچپ اور انوکھے انداز میں دی جانے والی پرفارنس نے سب کو حیران کر دیا۔

 تفصیلات کے مطابق فرانس کے مشہور ثقافتی طائفے ’’پیانو دُو لاک ‘‘نے اٹھارھویں صدی کے ایک قلعے کے سامنے پرفارمنس پیش کی ہے۔

اس پرفارمنس کو نرگس کے پھولوں کے درمیان تیرتے فلوٹ پر پیش کیا گیا ہے۔

فرانس کے مشہور ثقافتی طائفے ’’پیانو دُو لاک   کی‘‘ اس پرفارمنس نے سب کے دل موہ لیے ہیں۔

یاد رہے کہ گلوکار ایولین زُو (Evelyne Zou ) اور پیانو نواز سیسیل واؤٹرز (Cecile Wouters ) نے اس موقع پر شوپیں، مارِس رے وَل اور کلود دابُوسی(Chopin, (Maurice Ravel and Claude Debussy کی کلاسیکی موسیقی پیش کی ۔

دوسری جانب طائفے کے 2 دورے کورونا لاک ڈاؤن کے باعث منسوخ ہو چکے تھے ، اس بار ماسک پہنے اور سماجی فاصلہ برقرار رکھے سامعین کے سامنے انہیں اپنا ہنر دکھانے کا موقع ملا۔

خیال رہے کہ ملک میں 13 لاکھ افراد شوبزنس سے عارضی طور پر وابستہ ہیں، ان میں رقاص، کامیڈئن، سیٹ ڈیزائنر، فلم ساز اور میلوں کے منتظمین شامل ہیں جو زیادہ تر صرف گرما اور بہار کے موسموں میں کام کرتے ہیں۔

واضح رہے کہ فرانس نے فن و ثقافت کی صنعت کے لیے اِنکم سپورٹ کی معیاد بڑھا دی ہے۔