رابی پیرزادہ نے پاکستان چھوڑنے کا فیصلہ واپس لے لیا۔
یاد رہے کہ رابی پیرزادہ نے غصے میں کہا تھا کہ میں بھی جلد ہی پاکستان چھوڑ دوں گی۔
تاہم گزشتہ سال شوبز انڈسٹری کو خیرباد کہنے والی رابی پیزادہ نے کہا ہے کہ پاکستان میرا دل اور میری جان ہے۔
پاکستان میرا دل اور جان ہے۔ اور آپ لوگ میرے اپنے ہیں۔ میں اپنا وطن کبھی چھوڑ کر گئ تو مکہ جائوں گی۔ وہ چینل اور سوشل میڈیا جو پاکستان کا آرٹ پروموٹ نہیں کرتا پھر سے ایک بار منفی خبروں میں سب سے آگے تھا،پوسٹ کے کچھ لمحات بعد میں نے تردیدکردی کیا کسی نے اسکے بارے میں بات کی، pic.twitter.com/C5fP61PUxI
Advertisement— Rabi Pirzada (@Rabipirzada) July 10, 2020
انہوں نے بتایا کہ پاکستان کے لوگ مجھے بہت عزیز ہیں اور اگر میں کبھی پاکستان چھوڑ کرگئی بھی تو مکّہ جاؤں گی۔
دوسری جانب رابی پیرزادہ نے مائیکرو بلاگنگ سائٹ ٹوئٹر پر ایک اپنی پینٹنگ کی تصویر شیئر کی تھی جس پر گلوکار عدنان سمیع نے اُنہیں خوب سراہا تھا۔
عدنان سمیع کے تعریفی ٹوئٹ کے بعد رابی پیرزادہ نے ٹوئٹ کیا تھا جس میں اُنہوں نے کہا تھا کہ لوگوں کے پاکستان چھوڑ کر چلے جانے کی وجہ یہ ہے کہ بھارت ہم سے کافی بہتر ہے۔
سابق گلوکارہ نے بتایا تھا کہ بھارت کے لوگوں نے کبھی مجھ پر طنز نہیں کیا اور نہ ہی مجھے تنقید کا نشانہ بنایا۔‘
رابی پیرزادہ نے عدنان سمیع کو مخاطب کرتے ہوئے لکھا کہ میں نے ماضی میں آپ کے بارے میں جو کچھ بھی کہا اُس کے لیے میں آپ سے معافی چاہتی ہوں۔
اُنہوں نے کہا کہ ہماری قوم کسی بھی شخص کی صلاحیتوں کی حقدار ہی نہیں ہے نہ آپ کی آواز اور نہ میری پینٹنگز۔
رابی نے بتایا کہ وہ چینلز اور سوشل میڈیا پلیٹ فارمز جو پاکستان کے آرٹ کو پروموٹ نہیں کرتے ہیں اُنہوں نے ایک بار پھر مجھے منفی خبروں میں سب سے آگے کردیا ہے۔
واضح رہے کہ رابی پیرزادہ نے کہا کہ جب میں نے کچھ دیر بعد اپنے فیصلے کی تردید کردی تو کسی چینل نے میرے اس مثبت رویے کی طرف توجہ نہیں دی
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News