صوبا ئی وزیر سندھ کا شادی ہال کھولنے سے متعلق کہنا ہے کہ وفاق کی جانب سے دی جانے والی گائیڈ لائن کے تحت فیصلہ کریں گے۔
تفصیلات کے مطابق وزیر اطلاعات و بلدیات سندھ سید ناصر حسین شاہ نے کہا ہے کہ حکومت سندھ کو شادی ہال مالکان کی تکالیف کا پوری طرح اندازہ ہے، ملک کے موجودہ حالات میں تمام شعبہ جات بری طرح متاثر ہوئے ہیں، تاہم انسانی زندگیوں پر کسی بھی صورت سمجھوتہ نہیں کرسکتے۔
انھوں نے کہا کہ وفاق کی جانب سے دی جانے والی گائیڈ لائن کے تحت فیصلہ کریں گے۔
ان خیالات کا اظہار انہوں نے کمشنر ہائوس کراچی میں شادی ہال مالکان سے ملاقات کے دوران کیا جس میں کمشنر کراچی، افتخار شلوانی، سیکرٹری اطلاعات سندھ اسلم غوری اور شادی ہال مالکان تنظیموں کے نمائندگان موجود تھے۔
شادی ہال مالکان نے وزیر بلدیات سندھ سے اپنے تحفظات و موجودہ کورونا کرائسز میں کاروبار کی بندش کے حوالے سے اظہار خیال کیا۔
ناصر حسین شاہ کا کہنا تھا کہ حکومت سندھ کو موجودہ کاروباری اور معاشی صورت حال کا پوری طرح ادراک ہے،وزیر اعلیٰ سندھ کی ہدایت پر تاجر برادری کے لئے خصوصی ریلیف اقدامات کئے جارہے ہیں، تاہم انسانی جانوں پر کوئی رسک نہیں لے سکتے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News