ٹِک ٹاک کی مشہور شخصیت جنت مرزا کا گانا جلد ریلیز کر دیا جائے گا۔
یاد رہے کہ پاکستانی گلوکار بلال سعید کے گانے کی ویڈیو میں ٹک ٹاکر جنت مرزا کو شامل کیا گیا ہے۔
تفصیلات کے مطابق10 جولائی جمعہ کو ریلیز ہونے والے بلال سعید کے نئے گانے ’شاعر‘ کی ویڈیو میں جنت مرزا کے ہمراہ محمد علی جوش دکھائی دیں گے۔
https://www.instagram.com/p/CCbIhVKAJKW/?utm_source=ig_web_copy_link
ٹک ٹاک سے شہرت حاصل کی ہے اور مداحوں کو بھی بڑی بے صبری سے ٹک ٹاک پر ویڈیوز کا انتظار رہتا ہے۔
جنت مرزا نے کہا کہ شوبز انڈسٹری میں جتنا چاہے کام مل جائے ٹک ٹاک کو ہمیشہ ترجیح دونگی ۔
حال ہی میں گلوکار بلال سعید کے گانے شاعر کی ویڈیو شوٹ مکمل کرنے والی مشہور ٹک ٹاکر جنت مرزا نے بول نیوز سے گفتگو کرتے ہوئے کہا کہ پاکستانی شوبز انڈسٹری میں بہت سے لوگ مختلف پروجیکٹس کے لیے رابطے میں ہیں۔
انہوں نے کہا کہ گلوکار بلال سعید جیسے بڑے فنکار کے ساتھ کام کرنا باعث اعزاز ہے۔
جنت مرزا کا کہنا تھا کہ مختلف پروجیکٹس پر کام جاری ہے۔
جنت کا مزید کہنا تھا کہ پاکستان شوبز انڈسٹری میں بے پناہ مواقع موجود ہیں۔
ٹک ٹاک اسٹار نے کہا کہ انڈسٹری کی بہتری اور ملک کا نام روشن کرنے کے لیے مستقبل میں بھی بہترین کام کرنے کا سلسلہ جاری رہے گا۔
اس کے عالاوہ جنت مرزا نے معروف ہدایت کار سید نور کی فلم تیرے باجرے دی راکھی میں بطور اداکارہ کام کرکے سیلور اسکرین میں قدم رکھا ہے۔
یاد رہے کہ عاصم اظہر کے اپنے گانے میں اریقہ حق کو شامل کرنے کے بعد بلال سعید نے بھی اپنے نئے گانے کی ویڈیو میں ٹک ٹاک اسٹار جنت مرزا کو ڈیبیو کروادیا۔
گلوکار نے سماجی رابطے کی ویب سائٹ انسٹاگرام پر گانے کے ریلیز کی تاریخ کا اعلان کرتے ہوئے لکھا کہ ایک شاعر کا سفر اکثر حقیقت اور خوابوں کے مابین ٹوٹ جاتا ہے۔
بلال سعید نے اپنے نئے گانے کے حوالےسے لکھا کہ ’شاعر‘ ایک انسان کے حقیقت جیسے خواب کے سفر سے متعلق ہے۔
دوسری جانب بلال سعید نے بتایا کہ ون ٹو ریکارڈز کے تحت ریلیز کئے جانے والے نئے گانے ’شاعر‘ کی ویڈیو میں ٹک ٹاک سے شہرت کی بلندیوں پر پہنچنے والی جنت مرزا اور اداکار علی جوش دکھائی دیں گے۔
واضح رہے اس گانے کو گلوکار سرمد قدیر نے لکھا اور کمپوز کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News