سربراہ ڈبلیو ایچ او ڈاکٹرٹیڈروس نے نئے خطرے سے آگاہ کردیا ہے۔
عالمی ادارہ صحت نے نئے خطرے سے آگاہ کرتے ہوئے بتایا کہ اب خطرہ صرف وائرس نہیں رہا ہے۔
بلکہ عالمی و قومی سطح پر قیادت کا اور یکجہتی کا فقدان بھی ایک خطرہ ہے۔
سربراہ ڈبلیو ایچ او ڈاکٹرٹیڈروس کی جانب سے جاری بیان میں کہا گیا ہے کہ کورونا کی وبا نےکسی ملک کونہیں چھوڑا ہم سب کو عاجز کر دیا ہے، غلطی کی کوئی گنجائش نہیں ہے۔
ڈاکٹرٹیڈروس نے کہا کہ اب خطرہ صرف وائرس نہیں رہا بلکہ عالمی وقومی سطح پرقیادت کا اور یکجہتی کا فقدان بھی ایک خطرہ ہے، کورونا کی وبا عالمی یکجہتی اور قیادت کیلئے ایک امتحان ہے۔
سربراہ ڈبلیوایچ او کا کہنا تھا کہ ہماری تقسیم پر وائرس پھیلےگا لیکن متحدہونے پر ناکام ہوگا۔
یاد رہے کہ گزشتہ روز عالمی ادارہ صحت نے خبردار کیا تھا کہ کورونا وائرس کے ہوا کے ذریعے پھیلاؤ کے شواہد بھی مل رہے ہیں۔
اس حوالے سے ماہرین کا ماننا ہے کہ کورونا وائرس عمومی طور پر وبائی مریض کے منہ یا ناک سے نکلنے والے وائرس کے جز سے پھیلتا یا پھر دوسرے کو متاثر کرتا ہے۔
دوسری جانب اب عالمی ادارہ صحت نے وبا کے پھیلاؤ سے متعلق نئے خطرے کی طرف اشارہ کردیا ہے۔
رپورٹ کے مطابق دنیا کے 32 ممالک سے 239 سائنس دانوں نے مشترکہ خط شایع کیا ہے جس میں باقاعدہ طور پر ہوا میں وائرس کی موجودگی کے شواہد اور ثبوت درج ہیں۔
واضح رہے کہ ماہرین کا کہنا ہے کہ متاثرہ ملکوں میں وائرس کی ہوا میں موجودگی سے جو بھی سانس لے رہا ہے وہ کورونا کا شکار ہورہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News