مسلم لیگ ن کے صدر اور قائد حزب اختلاف شہباز شریف کی جانب سے آیا صوفیہ کومسجد میں تبدیل کرنےکے فیصلے کا خیر مقدم کرتے ہوئے ترک زبان میں سوشل میڈیا پر بیان جاری کیا گیا ہے۔

شہباز شریف نے سماجی رابطے کی ویب سائٹ ٹوئٹر پر ترک زبان میں پیغام جاری کرتے ہوئے لکھا کہ ’تمام ممالک کی اپنی اپنی قانون سازی اور عدالتی نظام ہے، آیا صوفیہ کو مسجد میں تبدیل کرنا ترکی کا حق ہے۔

Bütün ülkelerin kendi mevzuatı ve yargı sistemi mevcuttur. Yargı kararını uygulayarak Ayasofya’nın Cami vasfına geri döndürmesi Türkiye’nin hakkıdır. Cumhurbaşkanı Erdoğan liderliğindeki Türkiye dini toleransın önemli bir örneği ve dinlerarası harmoni ve anlayışın savunucusudur. https://t.co/Fby8rqzvuQ

— Shehbaz Sharif (@CMShehbaz) July 13, 2020

شہباز شریف نے مزید لکھا کہ ’تمام اسلامی ممالک میں، ترکی مذہبی رواداری اور بین المذاہب ہم آہنگی کی ایک بہترین مثال ہے۔

واضح رہے کہ کچھ روز قبل ترکی کی اعلیٰ عدلیہ نے آیا صوفیہ کو میوزیم میں تبدیل کرنے کے فیصلے کو کالعدم قرار دیا تھا۔

تاریخی شاہکاروں کے ٹرسٹ اور ماحولیاتی انجمن کی جانب سے آیا صوفیہ کو مسجد سے میوزیم میں تبدیل کئے جانے کیخلاف مقدمہ دائر کیا گیا تھا۔

بعد ازاں کونسل آف اسٹیٹ نے 2 جولائی کی سماعت میں فریقین کا موقف سننے کے بعد 24 نومبر 1934 کے کابینہ کے فیصلے کو کالعدم قرار دیا۔