وزیراعظم عمران خان کی جانب سے ملک بھر میں ٹائیگر فورس کے لیے ایپلی کیشن کے اجراء کی منظوری دے دی گئی۔
تفصیلات کے مطابق وزیراعظم عمران خان نے یہ منظوری اپنے معاون خصوصی برائے یوتھ عثمان ڈار کے ساتھ ملاقات میں دی ہے۔
ملاقات کے دوران وزیراعظم عمران خان نے معاون خصوصی عثمان ڈار سے ٹائیگر فورس کے ساتھ متحرک ارکان اسمبلی کی رپورٹ بھی طلب کرلی۔
وزیراعظم نے کہا کہ بتایا جائے کس رکن اسمبلی نے ٹائیگر فورس کو متحرک کرنے میں کتنا کردار ادا کیا، عوامی نمائندوں کی جانب سے نوجوان رضا کاروں کی سرپرستی ضروری ہے،وزیراعظم نے کہا کہ ٹائیگر فورس مستقبل میں ملک کا قیمتی اثاثہ بننے جا رہی ہے۔
ملاقات کے بعد معاون خصوصی عثمان ڈار نے بتایا کہ وزیراعظم نے ٹائیگر فورس کی خدمات کا دائرہ کار وسیع کرنے کا فیصلہ کیا ہے، ٹائیگرفورس کے لیے ڈیجیٹل ٹیکنالوجی کو استعمال میں لایا جائے گا۔
انہوں نے کہا کہ ٹائیگر فورس سے کورونا وائرس سے متاثرہ ہاٹ اسپاٹ کی فوری نشاندہی بھی ممکن ہوگی جب کہ ٹائیگر فورس کی ٹیمیں بناکر کپتان اور وائس کپتان بھی نامزد کیے جائیں گے۔
عثمان ڈار نے کہا کہ ایپلی کیشن کے ذریعے ٹائیگر فورس کو ضلع، تحصیل، یونین کونسل اور وارڈ کی سطح پر مانیٹر کیا جاسکے گا، ایپلی کیشن کے ذریعے اسمارٹ لاک ڈاؤن پرعملدرآمد کروانے میں بھی آسانی ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News