فیروز خان کی جانب سے مداحوں کے لیے معنی خیز پیغام


اریبہ نثارویب ایڈیٹر

31st July, 2020

پاکستان کے معرو ف اداکار فیروز خان کی جانب سے مداحوں کے لیے معنی خیز پیغام جاری۔

اداکار فیروز خان نے مائیکرو بلاگنگ سائٹ ٹوئٹر پر ٹوئٹ کرتے ہوئے لکھا کہ سب سے پہلے ہم انسان ہیں اور اِسی وجہ سے ہمیں اشرف المخلوقات کہا جاتا ہے۔

فیروز خان نے لکھا کہ اسلام اُن لوگوں کے لیے اللّہ تعالیٰ کا نظم و ضبط ہے جو یقین رکھتے ہیں اور جن کا ایمان مضبوط ہے اور جن میں انسانیت ہے۔

انہوں نے کہا کہ لہٰذا یہ بات یاد رکھیں کہ ہم انسان ہونے سے پہلے مسلمان نہیں ہوسکتے ہیں۔

اداکار نے لکھا کہ ہمارا مذہب بھی ہمیں انسانیت کو درس دیتا ہے اسی لیے ہمیں اپنے اندر لازمی انسانیت پیدا کرنی چاہیے۔

فیروز خان نے پوسٹ کے اختتام میں کہا کہ دوسروں کے ساتھ گلاب جیسا خوبصورت رویہ رکھو اور ایک اچھا انسان بن کر رہو۔

دوسری جانب فیروز خان کی شوبز انڈسٹری میں بھی واپسی ہوگئی ہے، فیروز خان جلد زارا نور عباس کے ساتھ ٹیلی فلم میں دکھائی دیں گے۔

واضح رہے کہ رہے کہ رواں برس مارچ کے مہینے میں معروف اداکار فیروز خان نے شوبز چھوڑ کر ’اسلام کی خدمت‘ کرنے کا اعلان کیا تھا۔