راحت فتح علی خان کا نیا گانا ریلیز


اریبہ نثارویب ایڈیٹر

31st July, 2020

پاکستان کے معروف گلوکار راحت فتح علی خان کا گانا’غم عاشقی تیرا شکریہ‘ دنیا بھر میں بیک وقت ریلیز کردیا گیا۔

تفصیلات کے مطابق عالمی شہرت یافتہ گائیک استاد راحت فتح علی خان نے اردو دنیا کی نامور شاعرہ پروین شاکر کے کلام کو گیت کی شکل دے کر اپنے سننے والوں کے لیے عید کا تحفہ غمِ عاشقی تیرا شکریہ کی شکل میں لائے ہیں۔

یاد رہے اس گیت کی موسیقی نوجوان میوزک ڈائریکٹر کامران اختر نے ترتیب دی ہے۔

جبکہ بین الاقوامی شہرت یافتہ میوزک پروڈیوسر سلمان احمد نے اسے شاندار انداز میں پروڈیوس کیا ہے۔

سلمان احمد اس سے قبل استاد راحت فتح علی خان کا سپر ہٹ سونگ ’محبت بھی ضروری تھی‘پروڈیوس کر چکے ہیں۔

استاد راحت فتح علی خان نے بتایا کہ ’غم عاشقی تیرا شکریہ‘عید الاضحی کے موقع پر ریلیز کررہے ہیں۔

راحت فتح علی نے بتایا کہ اس گانے کے ابتدائی بول ہمارے ملک کی نامور شاعرہ پروین شاکر کے لکھے ہوئے ہیں۔

انہوں نے ایک سوال کے جواب میں کہا کہ غم عاشقی سے خود کبھی نہیں گزرا، ساری زندگی موسیقی سے عشق کیا۔

گلوکار نے بتایا کہ تخلیق وقت مانگتی ہے، کورونا کی وجہ سے اپنے نئے گانے تخلیق کرنے کا وقت ملا اور ’غم عاشقی تیرا شکریہ‘ اسی وقت میں بنایا۔

واضح رہے گلوکار راحت فتح علی خان کا کہنا ہے کہ یہ گیت میرے مداحوں کے لیے عید کا تحفہ ثابت ہوگا۔