کے الیکٹرک نے کراچی کے شہریوں کو ایک بار پھر لوڈشیڈنگ کی سولی پر لٹکا دیا ہے۔
تفصیلات کے مطابق بجلی کی آنکھ مچولی سے گھریلو امور اور شہریوں کے معمولات زندگی شدید متاثر ہیں، مختلف علاقوں میں غیر اعلانیہ لوڈشیڈنگ 15 گھنٹوں تک پہنچ چکی ہے،شہر میں طویل بجلی کی بندش سے مختلف علاقوں میں پانی بھی نایاب ہو چکا ہے۔
ذرائع کے مطابق کراچی کے علاقوں ماڈل کالونی، شاہ فیصل ٹاؤن، طارق بن زیاد سوسائٹی، معین آباد میں بجلی رات بھر بند رہی، ایف بی ایریا، گلشن اور گلستان جوہر کے مختلف بلاکس میں بھی بجلی کی فراہمی معطل رہی، نارتھ کراچی اور نیو کراچی کے مختلف علاقوں میں بھی لوڈ شیڈنگ کا سلسلہ جاری رہا۔
دوسری جانب لوڈشیڈنگ سے مستشنیٰ علاقوں میں بھی بجلی کا تعطل 3 سے 6 گھنٹوں تک پہنچ گیا ہے۔
اورنگی ٹاؤن، بلدیہ ٹاؤن، مواچھ گوٹھ اور گڈاپ سمیت شہر کے دیگر علاقوں میں بجلی کی طویل بندش کی جا رہی ہے۔
واضح رہے کہ کراچی میں لوڈ شیڈنگ پر وزیر اعظم عمران خان نے بھی ایکشن لے لیا ہے۔
انھوں نے کل کے الیکٹرک حکام طلب کر لیا، وزیر اعظم کی زیر صدارت اہم اجلاس ہوگا جس میں کے الیکٹرک کے ساتھ معاملات پر انھیں بریف کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News