وزیر اعلیٰ سندھ مراد علی شاہ نے لانڈھی ایکسپورٹ پروسیسنگ زون میں فیکٹری میں لگی آگ کا نوٹس لے لیا۔

وزیر اعلیٰ سندھ نے کمشنر کراچی کو کو آگ پر قابو پانے کی ہدایت جاری کردیں۔

وزیر اعلیٰ سندھ مراد علی شاہ نے کہا کہ فیکڑی میں کام کرنے والے مزدوروں کی زندگیاں ہر ممکن بچائی جائیں جبکہ مزید فائر ٹینڈرز کی ضرورت ہو تو دیگر اداروں سے حاصل کی جائیں اور آگ لگنے لے مقام کی مکمل انکوائری کرکے کے رپورٹ دی جائے۔

دوسری جانب ترجمان پاک بحریہ نے کہا کہ سول انتظامیہ کی درخواست پر پاک بحریہ کی ٹیم اور 3 فائر ٹینڈرز آگ بجھانے میں حصہ لے رہے ہیں۔

کراچی آگ پر قابو پانے کیلۓ مجموععی طور پر 15 فاٸرٹینڈرز اور دو 2 اسنارکل کی مدد سے کوششیں جاری ہیں جب کہ پاکستان نیوی کے ایک فاٸرٹینڈر اور ایک اسنارکل اور بحریہ ٹاٶن کی دو 2 فاٸرٹینڈرز کی مدد سے تاحال کوششیں جاری ہے۔

کراچی میں آتشزدگی، آگ نے 3 فیکٹریوں کو لپیٹ میں لے لیا

واضح رہے اس سے قبل شہر قائد کراچی کے لانڈھی ایکسپورٹ پروسیسنگ زون میں قائم فیکٹری میں آگ لگ گئی جس کے باعث لاکھوں روپے کا سامان جل کر خاکستر ہو گیا تھا۔

فائر بریگیڈ کے مطابق آگ گتے، پلاسٹک اور کپڑے کی فیکٹریوں میں لگی۔

فائر بریگیڈ حکام نے کہا تھا کہ آگ بجھانے میں 3 فائر ٹینڈرز حصہ لے رہے ہیں جبکہ آگ کی شدت زیادہ ہے،  اس لیے مزید فائر ٹینڈرز روانہ کیے جارہے ہیں۔

فائر بریگیڈ حکام نے مزید کہا تھا کہ فیکٹریوں سے تمام لوگوں کو باحفاظت باہر نکال لیا گیا ہے، فائر بریگیڈ حکام کا کہنا تھا کہ فیکٹری میں کچھ غیر ملکی بھی تھےانہیں بھی باہر نکالیا گیا ہے۔