وینا ملک نے کس بھارتی سابق کرکٹر اور سیاست دان کو کرارا جواب دے دیا؟


اریبہ نثارویب ایڈیٹر

31st July, 2020

پاکستانی اداکارہ اور میزبان وینا ملک سابق کرکٹر اور سیاست دان گوتم گمبھیر کو جوب دے دیا۔

حال ہی میں بھارتی سیاست داں ، سابق کرکٹرگوتم گمبھیر کی جانب سے شیخی بگھارتے ہوئے سماجی رابطے کی ویب سائٹ ٹوئٹر پر ایک تصویر شیئر کی گئی جس میں 6 فائٹر جیٹ فضا میں اُڑ رہے ہیں ، گوتم نے فائٹر جیٹ کو پرندوں سےتشبیہ دیتے ہوئے لکھا کہ ’ آخر کار بڑے پرندے یہاں موجود ہیں۔‘

یاد رہے کہ گوتم کی جانب سے شیئر کی گئی اس تصویر پر پاکستانی ٹوئٹر صارفین کی جانب سے اُن کا خوب مذاق بنایا گیا ۔

دلچسپ یہ کہ ٹوئٹر صارفین نے گوتم کو یاد دلایا کہ انہیں پاکستان بھیج دیں ، چائے تقریباً تیار ہے ۔

وینا ملک نے بھی گوتم کا ٹوئٹ اپنے اکاؤنٹ پر ری ٹویٹ کرتے ہوئے لکھا 7 بڑے پرندے 7 بڑے چائے کے کپ کے مساوی ہیں۔

وینا ملک کی جانب سے دیئے گئے اس جواب پر مداحوں کی جانب سے انہیں خوب سراہا جا رہا ہے ۔

دوسری جانب وینا ملک سوشل میڈیا پر کافی متحرک نظر آتی ہیں اور حالات حاضرہ سمیت سیاست پر بھی تبصرے کرتی رہتی ہیں ۔

واضح رہے کہ 27 فروری 2019ء کو پاک فضائیہ نے بھارتی طیارہ گرایا تھا جبکہ پائلٹ ابھی نندن کو گرفتار کر لیا گیا تھا۔