انگلینڈ نے کپتان این مورگن کی دھواں دار بیٹنگ کی بدولت پاکستان کو 5 وکٹوں سے شکست دے دی۔
تفصیلات کے مطابق پاکستان ٹیم کی جانب سے دیے گئے 196 رنز کے ہدف کے تعاقب میں پہلے انگلینڈ کے اوپنرز نے قومی بولرز کی ایک نہ چلنے دی۔
تاہم ایسے میں کپتان این مورگن نے ڈیوڈ ملان کے ساتھ مل کر سنچری پارٹنر شپ بنا کر ٹیم کیلئے جیت کی بنیاد رکھ دی۔
یاد رہے کہ جونی بیئرسٹو اور ٹام بینٹن نے ٹیم کو برق رفتار آغاز فراہم کیا، اس وقت ایسا محسوس ہورہا تھا کہ انگلینڈ جلد میچ کو ختم کردے گا۔
تاہم شاداب خان نے بولنگ کا آغاز کرتے ہی 66 کے مجموعے پر دونوں انگلش اوپنرز کو مسلسل دو گیندوں پر آؤٹ کرکے حریف ٹیم کو نقصان پہنچانے کی کوشش کی۔
Advertisement
دوسری جانب کپتان این مورگن 66 رنز بنا کر حارث رؤف کی گیند پر بڑا شاٹ کھیلتے ہوئے آؤٹ ہوئے تو اس وقت بہت دیر ہوچکی تھی اور مہمان ٹیم کو جیت کے لیے صرف 19 گیندوں پر 18 رنز درکار تھے۔
جبکہ این مورگن کے بعد ڈیوڈ ملان نے بھی اپنی نصف سنچری مکمل کی اور ٹیم کو میچ میں کامیابی دلوائی۔
یاد رہے کہ اس فتح کے ساتھ ہی انگلینڈ کو سیریز میں 0-1 کی برتری حاصل ہوگئی جبکہ سیریز کا ایک میچ ہونا باقی ہے۔
واضح رہے کہ پاکستان کی جانب سے شاداب خان 3 وکٹیں لے کر نمایاں رہے، حارث رؤف بھی 2 وکٹیں لینے میں کامیاب ہوئے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
