آئرلینڈ کے کرکٹر کیون اوبرائن نے زوردار شارٹ  سے اپنی ہی کار کی ونڈ اسکرین توڑ ڈالی۔

تفصیلات کے مطابق ڈومیسٹک ٹی 20 میں کیون اوبرائن نے زوردار شارٹ لگایا جو سیدھا کار کی ونڈ اسکرین پر جاکر لگا۔

خیال رہے کیونکہ آئرلینڈ کے کرکٹر کی شارٹ جو اتنی زور دار تھی کہ پارکنگ ایریا میں کھڑی کار کا شیشہ چکنا چور ہوگیا۔

یاد رہے کہ ڈومیسٹک ٹی 20 کے اس میچ میں کیون اوبرائن نے 37 گیندوں پر 82 رنز کی شاندار اننگز کھیلی۔

دوسری جانب ان کی بہترین اننگز 142رنز کی ہے جو انہوں نے 2007ء میں کینیا کے خلاف نیروبی کے مقام پر کھیلی تھی۔

واضح رہے کہ 36 سالہ کیون اوبرائن نے 148 ایک روزہ انٹرنیشنل میچز میں اپنی ٹیم کی نمائندگی کر رکھی ہے اور 3 ہزار 592 رنز اسکور کررکھے ہیں۔