5 اگست کو کراچی سے سکھر تک لانگ مارچ کا اعلان

ثمرا مظہر

03rd Aug, 2020. 03:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

5 اگست کو کراچی سے سکھر تک لانگ مارچ کا اعلان

رہنما پاکستان تحریک انصاف (پی ٹی آئی) حلیم عادل شیخ نے 5 اگست کو کراچی سے سکھر تک لانگ مارچ کا اعلان کردیا۔

تفصیلات کے مطابق کراچی میں پاکستان تحریک انصاف کے رہنما حلیم عادل شیخ نے پریس کانفرنس کرتے ہوئے اعلان کیا ہےکہ 5 اگست کو کشمیر میں بھارتی بربریت کا ایک سال مکمل ہونے والا ہے، اس سلسلے میں کراچی تا سکھر ٹرین مارچ کریں گے۔

پریس کانفرنس کے دوران پی ٹی آئی رہنما نےکہا کہ دنیا کو معلوم ہے کہ کشمیر میں گجرات کا قصائی کیا کررہا ہے، 5 اگست کو پوری دنیا کے مسلمان یوم استحصال منارہے ہیں۔

اس سلسلے میں تمام سیاسی جماعتوں کو کشمیر کاز کے لیے اس لانگ مارچ میں شرکت کی دعوت بھی دی گئی ہے۔

حلیم عادل شیخ نے کہا کہ سیاسی جماعتوں سے کہتا ہوں کہ 5 اگست کو کشمیر کو قومی مسئلہ سمجھیں چاہے اپنے طور پر ہی نکلیں، اس روز بائیس کروڑ پاکستانی یہ ثابت کریں گے کہ کشمیر ہمارا ہے۔