مسلم لیگ ن کے رکن قومی اسمبلی انتقال کرگئے


ثمرا مظہرویب ایڈیٹر

02nd August, 2020

مسلم لیگ ن کے رکن قومی اسمبلی رہنما سید افتخارالحسن پنجاب کے شہر ڈسکہ میں انتقال کرگئے ہیں۔

تفصیلات کے مطابق سید افتخارالحسن این اے 75 سے رکن قومی اسمبلی منتخب ہوئے تھے۔ وہ اپنے علاقے کے گدی نشین بھی تھے۔

 خیال رہے کہ کچھ عرصہ قبل سید افتخارالحسن کورونا وائرس میں مبتلا ہوئے تھے جس کی وجہ سے انہیں لاہور منتقل کیا گیا تھا جہاں وہ علاج کے بعد صحتیاب ہوگئے تھے۔

تاہم بعد ازاں لیگی ایم این اے کو ہارٹ اٹیک اور برین ہیمرج ہوا جس کے بعد انہیں وینٹی لیٹرپر منتقل کر دیا گیا۔

آخری ایام میں ان کی حالت انتہائی تشویشناک تھی اور ان کے عزیز واقارب نے عوام الناس سے سید افتخار الحسن ظاہرے شاہ کی صحتیابی کے لیئے دعا کی اپیل بھی کی تھی۔