پاکستان کی اداکارہ سجل علی نے اپنی پسندیدہ تصویر سزوشل میڈیا پر شیئر کر دی۔

اداکارہ سجل علی نے فوٹو اور ویڈیو شیئرنگ ایپ انسٹاگرام پر اسٹوری پر ایک تصویر شیئر کرتے ہوئے بتایا کہ سارہ خان کے ہمراہ لی گئی یہ تصویر ان کی پسندیدہ ہے۔

سجل علی نے بتایا کہ یہ تصویر 6 سال قبل کی ہے، ساتھ ہی یہ بھی بتایا کہ یہ تصویر ڈرامہ ’گوہرِ نایاب‘ کی ہے۔

دوسری جانب ڈرامہ گوہر نایاب میں سجل نے گوہر کا مرکزی کردار ادا کیا تھا جبکہ ان کے ساتھ ساتھی اداکاروں میں سارہ خان، احسن خان، ذہین طاہرہ اور دیگر شامل تھے۔

سجل کا یہ ڈرامہ سکینہ سمو کی ہدایت میں بنا تھا جو 2013 میں نجی چینل پر نشر ہوا۔

یاد رہے سارہ گزشتہ ماہ ہی گلوکار فلک شبیر کے ساتھ رشتہ ازدواج میں منسلک ہوئیں جبکہ سجل نے مارچ میں ساتھی اداکار احد رضا میر سے شادی کی۔

واضح رہے کہ اداکاراوں کے حوالے سے بات کی جائے تو سارہ خان اور سجل نے رواں سال ہی شادی کی ہے۔