محکمہ موسمیات کی جانب سے آج پھر ہلکی بارش اور بوندا باندی کی خوشخبری سنا دی گئی۔

تفصیلات کے مطابق ڈائریکٹر میٹ آفس کا کہنا ہے کہ آج شہر کے مختلف علاقوں میں ہلکی بارش اور بوندا باندی کا امکان ہے۔ جب کہ شہر کا موسم گرم اور مرطوب رہے گا۔

شہر قائد کا کم سے کم درجہ حرارت 29 ڈگی سینٹی گریڈ ریکارڈ کیا گیا۔ اس وقت درجہ حرارت 31 ڈگری سینٹی گریڈ ہے جب کہ زیادہ سے زیادہ درجہ حرارت 34-36 ڈگری سینٹی گریڈ تک جانے کا امکان ہے۔

مغربی سمت سے ہوا کی رفتار 10-12 ناٹیکل مائل ریکارڈ کی گئی۔ ہوا میں نمی کا تناسب 73 فیصد ہے۔

دوسری جانب لاہور کے مختلف علاقوں میں بارش سے گرمی اور حبس میں کمی ہو گئی جب کہ موسم خوشگوار ہوگیا۔