وزیراعظم کے مشیر برائے پارلیمانی امور ڈاکٹر بابر اعوان نے کہا ہے کہ قوم اپنے کپتان کے ساتھ ہے اور کپتان اپنے پاکستان کے ساتھ۔۔
تفصیلات کے مطابق وزیراعظم کے مشیر برائے پارلیمانی امور ڈاکٹر بابر اعوان نے سماجی رابطے کی ویب سائٹ ٹویٹر پر اپنے ایک پیغام میں کہا کہ منی لانڈرنگ کے بڑے ملزم نے قوم کو جمہوریت کی ٹیوشن پڑھائی۔
منی لانڈرنگ کے بڑے ملزم نے قوم کو جمہوریت کی ٹیوشن پڑھائی۔ عمران نے کہا ان پر ہاتھ ڈالوں گا تو سب اکھٹے ہوجائیں گے- آج وہی دن تھا، سب اکھٹے تھے۔ قوم اپنے کپتان کے ساتھ ہے اور کپتان اپنے پاکستان کے ساتھ۔
— Babar Awan (@BabarAwanPK) September 20, 2020
اپنے پیغام میں وزیراعظم کے مشیر برائے پارلیمانی امور ڈاکٹر بابر اعوان نے مزید کہا کہ عمران نے کہا ان پر ہاتھ ڈالوں گا تو سب اکھٹے ہوجائیں گے، آج وہی دن تھا، سب اکھٹے تھے۔
واضح رہے اس سے قبل وزیراعظم کے مشیر برائے پارلیمانی امور ڈاکٹر بابر اعوان نے اپنے خطاب میں کہا تھا کہ پہلی دفعہ ایسے شخص کی حکمرانی ہے جس سے چھوٹے نہیں بڑے مافیا ڈرتے ہیں۔
وزیراعظم کے مشیر برائے پارلیمانی امور نے یہ بھی کہا تھا کہ اپوزیشن کا ایجنڈا چور دروزاے سے کرسی ہے جبکہ عمران خان کی وجہ دنیا میں پاکستان کے پاسپورٹ کی عزت بحال ہوئی۔
ڈاکٹر بابر اعوان نے مزید کہا تھا کہ دنیا نے دیکھا راء کا چیف اور جندال اندر تھے اور ہمارے ادارے سڑک پر ، ایک وزیراعظم وہ تھا جو مودی کو اپنے گھر لایا اور اماں کیلئے ساڑیاں تحفے میں دیں جبکہ نواز دور میں ائیرپورٹ پر مودی کی امیگریشن ہوئی نہ ویزا لینے کی ضرورت پیش آئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News