سعودی وزیر حج عمرہ نےکہاہےکہ عمرہ، نماز اور زیارت کے لیے سپیشل ایپ ’اعتمرنا‘ تیار کی گئی ہے۔

سعودی خبررساں ادارے کے مطابق  سعودی وزیر حج  و عمرہ  ڈاکٹرمحمد صالح بنتن نے عمرہ ادا کرنے، مسجد الحرام میں نماز پڑھنے اورمسجد نبوی کی تدریجی طور پر اجازت دینے پر خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان  کے لیے ممنونیت اور قدرو منزلت کے جذبات کا اظہار کیا۔

سعودی وزیر حج نے بتایا کہ عمرہ، نماز اور زیارت کی کارروائی’ اعتمرنا‘ ایپ کے ذریعے منظم کی جائے گی۔ جسے مصنوعی ذہانت کی سعودی اتھارٹی (سدایا) کے تعاون سے تیار کیا گیا ہے۔

Registration for performing Umrah, Prayers in Masjid Al Haram and the Rawdah Ash Shareefah.

Advertisement

The Umrah application will be available on Android and iOS from 10th Safar 1442 which corresponds to 27th September 2020.

Download the application “اعتمرنا” on iOS and Android devices. pic.twitter.com/XNG6jPx7vM

— 𝗛𝗮𝗿𝗮𝗺𝗮𝗶𝗻 (@HaramainInfo) September 23, 2020

اعتمرنا ایپ کی مدد سے مکہ مکرمہ اور مدینہ منورہ عمرہ، زیارت اور نماز کے خواہشمند زائرین مقدس شہروں میں جاسکیں گے۔ اس ایپ کے ذریعے عمرہ زیارت اور نماز کے اوقات منظم کیے جائیں گے۔ سفر کی پیشگی منصوبہ بندی ہوگی اور وہاں جانے کی بکنگ ممکن ہوسکے گی۔

سعودی وزیر کا کہنا ہے کہ ’اعتمرنا ایپ‘  کی مدد سے زائرین براہ راست مطلوبہ معلومات کا اندراج کریں گے۔ اس حوالے سے کووڈ 19 وائرس سے پاک ہونا بنیادی شرط ہوگی۔ زائرین اپنے طور پر وقت اور تاریخ کا انتخاب کریں گے تاہم اتنے ہی لوگوں کو اجازت نامہ جاری ہوگا جتنی وہاں گنجائش ہوگی۔

عمرہ، زیارت اور نماز کا اجازت نامہ اسی وقت جاری ہوگا جب امیدوار کورونا وائرس سے پاک ہونے کا سرٹیفکیٹ پیش کرے گا۔

خیال  رہے کہ  27  ستمبر سے عمرہ اور زیارت کا پہلا مرحلہ شروع ہونے سے 7 دن قبل آئی او ایس، اینڈرائیڈ سسٹم پر مہیا ہوگی۔