متحدہ عرب امارات میں خواتین کی تنخواہیں مردوں کے برابر کر دیں۔
غیر ملکی خبر رساں ادارے کے مطابق متحدہ عرب امارات نے نجی کمپنیوں میں کام کرنے والی خواتین کی تنخواہیں ان کے ساتھ کام کرنے والے مردوں کے برابر کردیں۔
میڈیا رپورٹس کے مطابق امارات کے صدر شیخ خلیفہ بن زاید آل نہیان کی جانب سے جاری صدارتی فرمان میں ہدایت دی گئی ہے کہ اگر کوئی ملازم خاتون ویسا ہی کام کررہی ہے جیسا کہ مرد ملازم کررہا ہو تو اس کا محنتانہ مرد ملازم جیسا ہی ہوگا۔
اس وزارت افرادی قوت نے کہا کہ مرد ملازمین کی تنخواہوں کے برابر خواتین کی تنخواہیں کرنے کی بدولت دنیا بھر میں متحدہ عرب امارات کی حیثیت مضبوط ہوگی جبکہ عرب ممالک میں بھی اس کی پوزیشن مستحکم ہوگی۔
یاد رہے امارات میں وفاقی قانون کی دفعہ 32 میں ملازم خواتین اور کارکن مردوں کی تنخواہوں میں فرق رکھا گیا تھا۔
تاہم اب اس میں صدارتی فرمان جاری کرکے ترمیم کردی گئی ہے۔
اماراتی مارکیٹ کے ماہرین نے اپنے تاثرات بیان کرتے ہوئے کہا کہ خواتین اب زیادہ عزم اور شوق کے ساتھ نجی اداروں کا رخ کریں گی۔
متحدہ عرب امارات میں فیصلے کا اطلاق 25 ستمبر 2020 سے ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News