حکومت نے اسکول کو کھولنے کے حوالے سے  گائیڈ لائن جاری کردیں۔

تفصیلات کے مطابق  حکومت نے کورونا کے بعد اسکول کھولنے کے حوالے سے گائیڈ لائن اور ایس او پیز جاری کردیے ہیں۔

حکومت کی جانب سے جاری ایس او پیز میں کہا گیا ہے کہ والدین بچوں کوپبلک ٹرانسپورٹ کےبجائے خود پک اینڈ ڈراپ دیں جبکہ تعلیمی اداروں میں داخلے کےوقت طالب علموں کی اسکریننگ لازمی قراردی گئی ہے۔

ایس اوپیز کے تحت نزلہ،زکام اوربخارکی صورت میں طلبا کوکلاسزلینے کی اجازت نہیں دی جائے گی جبکہ سماجی فاصلہ،ہاتھ دھونا اور ماسک کا استعمال لازمی قرار دیا گیا ہے۔

ایس او پیز میں کہا گیا ہے کہ ہرروزچارچارگھنٹے کی دو شفٹ میں کلاسز ہوں گی،کچھ شفٹوں کو ہفتے کے آخری 2 دن میں رکھا جائیگا جبکہ تعلیمی ادارے میں بریک بھی شفٹوں میں دی جائے گی۔

ایس او پیز میں یہ بھی کہا گیا ہے کہ بچوں میں ہاتھ دھونے کی آگاہی مہم کیساتھ سانس لینے کے لیے کھلی فضا میں تازہ ہوا کی فراہمی ‏یقینی ‏بنائی جائے گی اورتعلیمی اداروں میں کرونا کے اثرات کی سخت نگرانی کی جائےگی

مزید پڑھیں

07 ستمبر کو اسکولوں کو کھولنے کا حتمی فیصلہ کیا جائے گا، شفقت محمود

وفاقی وزیر برائے تعلیم شفقت محمود نے کہا ہے کہ اسکولوں کے...

ایس اوپیز کے تحت تعلیمی اداروں میں صبح کے وقت اسمبلی نہیں ہوگی اورطالب علم سیدھے کلاس روم جائیں گےجبکہ تعلیمی اداروں کی کنٹین میں بچوں  کی بھیٹر نہ لگانے کی ہدایت کی گئی ہے اورطالب علم کھانا گھرسےلانےکو ترجیح دیں گے۔

 حکومت کی جانب سے جاری ایس او پیز میں کہا گیا ہے کہ تعلیمی اداروں کے پرنسپلز اور مدرسوں کے منتظمین کودوبارہ ادارہ کھولنے پر گائیڈ لائنز فراہم ‏کردی ‏جائیگی جبکہ تعلیمی ادارے کھولنے سے متعلق حتمی فیصلہ 7ستمبرکوہوگا۔